މި މަހުގެ 19 ވަނަ ދުވަހު ހުޅުމާލެ އިން ގެއްލުނު އުމުރުން 27 އަހަރުގެ ދިވެހި ޒުވާނާ، މުހައްމަދު އަޒުހާން އަދިވެސް ނުފެންނަ ކަމަށް ފުލުހުން ބުނެފިއެވެ.
މި މައްސަލައިގައި އެންމެ ފަހުން ފުލުހުން މައުލޫމާތު ދިން ގޮތުގައި އަޒުހާން ހޯދުމުގެ މަސައްކަތް ފުލުހުން އަދިވެސް ދަނީ ކުރަމުންނެވެ. އެގޮތުން ފުލުހުން ދަނީ މާލެ ސަރަހައްދުގެ ގިނަ ތަންތަން ބަލައި ފާސްކުރަމުން އެ އިދާރާއިން ވަނީ ބުނެފައެވެ.
ފުލުހުން ވަނީ އަޒުހާން ހޯދުމުގެ މަސައްކަތުގައި އާންމުންގެ އެހީއަށްވެސް މީގެ ތިން ދުވަސް ކުރިން އެދިފައެވެ. ނަމަވެސް މިހާތަނަށް މި މައްސަލައިގައި ކުރިއެރުމެއް ލިބިފައިވާ ކަމެއް މިހާތަނަށް އެނގިފައެއް ނުވެއެވެ.
19 ވަނަ ދުވަހު ހެދުނު ހުޅުމާލެ ދެވަހަ ފިޔަވަހީގައި އަޒުހާން އުޅޭ ގެއިން ނުކުމެގެން ގޮސް އެނބުރި ނައުމުން އޭނާ ގެއްލުނު ކަމުގެ ރިޕޯޓު ފުލުހުންނަށް ކޮށްފައިވަނީ އޭނާގެ އާއިލާގެ ފަރާތުންނެވެ.
އަޒުހާން އެންމެފަހު ފެނުނުއިރު ލައިގެން ހުރީ މާޖެހި ޕީޗް ކުލައިގެ އަތްކުރު ގަމީހެއް ކަމަށާއި އޭނާ އާއި ގުޅޭ މައުލޫމާތެއް އެނގޭނަމަ ހުޅުމާލެ ދެވަނަ ފިޔަވަހީގެ ޕޮލިސް ސްޓޭޝަން ނަމްބަރު 9393351 އަށް ގުޅުމަށް ފުލުހުން ވަނީ އެދިފައެވެ.
Advertisement
This content is created and paid for by advertisers and does not involve Voice Journalists
