މޮރިޝަސްކޮޅަށް ޖެހިގެން ޗާގޯސް މައްސަލަ ނިންމައިފިކަމަށް ވާނަމަ ރާއްޖޭގެ މަސްވެރިކަމުގެ ސިނާއަތް އަޅުވެތިވާނެކަމަށް މަޖިލީހުގެ މާފަންނު މެދު ދާއިރާގެ މެމްބަރު އިބްރާހިމް ރަޝީދު (ބޮންޑެ) ވިދާޅުވެއްޖެއެވެ.
ބޮންޑެ މިފަދައިން ވިދާޅުވެފައިވަނީ ޗާގޯސް މައްސަލައިގައި ރާއްޖޭގެ ވިސްނުން ބަދަލު ނުކުރުމަށް ގޮވާލާ މަޖިލީހުގެ މަޑުއްވަރީ ދާއިރާގެ މެމްބަރު އާދަމް ޝަރީފް އުމަރު ހުށައަޅުއްވާފައިވާ ކުއްލި މައްސަލައަށް ވާހަކަދައްކަވަމުންނެވެ.
ބޮންޑެ ވިދާޅުވީ ފޯޅަވެހި ގެއްލިގެން ދިއުމަކީ ރާއްޖޭގެ މަސްވެރިކަމުގެ ސިނާއަތަށް ބޮޑު ގެއްލުމެއް ލިބޭނެކަމެއް ކަމަށެވެ. އަދި މިހާރުވެސް މޮރިޝަށްގެ ސަބަބުން މަސްވެރިކަމުގެ ސިނާއަތަށް ކުރަމުންދާ ނޭދެވޭ އަސަރުތަކަށް ބޮންޑާ ވަނީ އަލިއަޅުވާލައްވާފައެވެ.
"އަޅުގަނޑުމެން މިހާރު ގޭ ދޮށު މަސް ފެކްޓްރީ ހަދައިގެން ޕްރެސެސްކޮށް މަސް ބަންދުކުރަން ނިންމި ނިންމުން މިހާރު އަޅުގަނޑުމެންނަށް އީޔޫއިން ދީފައި އޮންނަ އިނާޔަތުގެ ތެރެއިން އަޅުގަނޑުމެންނަށް އޮންނަނީ 22 ޕަސެންޓު، އެހެން ނަމަވެސް މޮރިޝަސްއަށް ސުން ޕަސެންޓު. މީގެ ނަތީޖާއަކީ ދިވެހިރާއްޖޭގެ މަސް ޕްރޮސެސްކުރަން މި ގެންދަން ޖެހެނީ މޮރިޝަސްއަށް، މިއަހަރު ކުރީކޮޅު މޮރިޝަސްއަށް 1000 މެޓްރިކް ޓަނުގެ މަސް ގެންދިޔަ، ދިވެހިރާއްޖޭގެ މަސްވެރިކަމުގެ ސިނާއަތް އަޅުވެތިވާނެ މިހެން ހަަދައިފިއްޔާ"
މާފަންނު މެދު ދާއިރާގެ މެމްބަރު އިބްރާހިމް ރަޝީދު (ބޮންޑެ)
ބޮންޑެ އިތުރަށް ވިދާޅުވީ ފޯޅަވައްސަކީ ދިވެހިރާއްޖޭގެ ސަރަހައްދެއްކަން އެނގޭ ތާރީހީ ލިޔުންތައް މިހާރުވެސް ފެންނަން ހުރިކަމަށެވެ. ދިވެހިރާއްޖެއަށް އެ ސަރަހައްދު ގެއްލުނީ އިނގިރޭސިންގެ އިސްތިއުމާރުގެ ބާރުދަށަށް ރާއްޖެ ދިއުމާއި ގުޅިގެންކަމަށް ބޮންޑެ ވިދާޅުވިއެވެ.
ބޮންޑެ ވިދާޅުވިގޮތުގައި އިސްތިއުމާރު ކުރެވިފައި އޮތީ މޮރިޝަސްކަމަށް ބުނެ ޗާގޯސް މައްސަލައިގައި މޮރިޝަސްކޮޅަށް ޖެހުމަކީ ފޯޅަވަހި ސަރަހައްދަކީ ރާއްޖޭގެ ސަރަހެއްދެއް ނޫންކަމަށް އެއްބަސްވުންކަމަށެވެ.
އަދި މިއީ ވަރަށް މަކަރުވެރި ގޮތަކަށް މޮރިޝަސް ސަރުކާރުން ދިވެހި ސަރުކާރުލައްވާ ކޮށްފައިވާ ކަމެއްކަމަށް އޭނާ ވިދާޅުވިއެވެ.
Advertisement
This content is created and paid for by advertisers and does not involve Voice Journalists
