ސަރުކާރާ ދެކޮޅަށް މަސައްކަތް ކުރާތީ އެމްޑީޕީއަށް ނިސްބަވްތާ 4 މުޤައްރިރަކު ބަދަލުކުރަން އެ ޕާޓީގެ ޕީޖީ ގްރޫޕުން ނިންމި ނިންމުމަކީ ސަރުކާރުން އަންގައިގެން ނިންނި ނިންމުމެއް ކަމަށް ރައްޔިތުންގެ މަޖިލީހުގެ އުނގޫފާރު ދާއިރާގެ މެމްބަރު މުހައްމަދު ވަހީދު (ވައްޑޭ) ވިދާޅުވެއްޖެއެވެ.
ވައްޑޭ އިއްޔެ ކުރެއްވި ޓުވީޓެއްގައި އެމްޑީޕީއަށް ނިސްބަވްތާ 4 މުޤައްރިރަކު ބަދަލުކުރަން އެ ޕާޓީގެ ޕީޖީ ގްރޫޕުން ނިންމި ނިންމުމަކީ ޕީޖީ ގުރޫޕުގެ އަމިއްލަ ނިންމުމެއް ނޫން ކަމަށެވެ.
އެހެނެއް ކަމަކު އެއީ މަޖިލީސް ކޮމިޓީތައް މިނިސްޓްރީތަކުގެ ބިއުރޯތަކެއް ގޮތަށް ހިންގަން ވެގެން ސަރުކާރުން އަނގައިގެން ކުރާކަމެއްކަމަށެވެ.
މައުލޫމާތު ލިބިފައިވާ ގޮތުގައި ހަތަރު މުގައްރިރުން ބަދަލު ކުރަން ނިންމީ ސަރުކާރުގެ ސިޔާސަތުތަކާއި ކަނޑައެޅިގެން ދެކޮޅަށް މަސައްކަތް ކުރާތީއާއި، އެމްޑީޕީ ޕީޖީ ގްރޫޕުގެ ޤަވާއިދުތަކާ ތަކުރާރުކޮށް ޚިލާފުވެފައިވާތީ ކަމަށް ބުނެއެވެ.
އެގޮތުން ބަދަލުކުރަން ނިންމާފައިވަނީ ހެންވޭރު ހުޅަނގު ދާއިރާގެ މެންބަރު ޙަސަން ލަތީފް، މާފަންނު އުތުރު ދާއިރާގެ މެންބަރު އިމްތިޔާޒު ފަހުމީ، ކުޅުދުއްފުށީ އުތުރު ދާއިރާގެ މެންބަރު ޔާސިރު އަބްދުއްލަތީފް އަދި ހުޅުދޫ ދާއިރާގެ މެންބަރު އިލްޔާސް ލަބީބެވެ.
Advertisement
This content is created and paid for by advertisers and does not involve Voice Journalists
