ޖިންސީ ފުރައްސާރައިގެ ތުހުމަތު ކުރެވޭ އިންޑިޔާ މީހެއްގެ ބަންދަށް 10 ދުވަސް ޖަހައިފިއެވެ.

އިންޑިޔާ ރައްޔިތެއް ކަމުގައިވާ، އުމުރުން 22 އަހަރުގެ މުހުތާރު އަންސަރީއަށް ތުހުމަތު ކޮށްފައި ވަނީ ނުރުހުމުގައި މީހެއްގެ ގަޔަށް އަތްލުމާއި ޖިންސީ ފުރައްސާރަ ކުރުމުގެ މައްސަލައެވެ.

އޭނާ ކޯޓަށް ހާޒިރުކުރުމުން، ބަންދަށް ވަނީ 10 ދުވަސް ޖަހާފައެވެ.

އޭނާއަށް ފޮނުވި ކޯޓު އަމުރުގައި ވަނީ، އޭނާ ހައްޔަރު ކުރީ އިޖުރާއަތާ އެއްގޮތަށް ކަމަށާއި އޭނާއާ ދެކޮޅަށް ފުލުހުން ހެކި ހުށަހަޅާފައި ވާކަމަށެވެ.

ތަފާތު މައްސަލަތަކުގައި ހައްޔަރު ކުރެވޭ އިންޑިޔާ ރައްޔިތުންނާމެދު ފިޔަވަޅު ނާޅައި ޑީޕޯޓް ކޮށްލާ މައްސަލައަކީ އާއްމުން ކުރަމުން އަންނަ ޝަކުވާއެެވެ. އެގޮތުން ކުޑަކުއްޖަކަށް ޖިންސީ ގޯނާ ކުރިކަމަށް ތުހުމަތު ކުރެވޭ އިންޑިޔާ މީހެއް، އިމިގްރޭޝަނުން ވަނީ ޑީޕޯޓް ކޮށްލާފައެވެ.