އިދިކޮޅުގެ ރިޔާސީ ކެންޑިޑޭޓް ރައީސް އަބްދުالله ޔާމީން އަބްދުލްގައްޔޫމަށް އިއްވާފައިވާ 11 އަހަރުގެ ޖަލު ހުކުމާއި ގުޅިގެން އިދިކޮޅުން ސިލްސިލާކޮށް ކުރަމުންދާ މުޒާހަރާގެ ތެރެއިން، އިހްތިޖާޖުގެ ބައިވެރިންނަށް ފުލުހުން އަނިޔާ ކުރާއިރު، ހިޔުމަންރައިޓްސް ކޮމިޝަނާއި، ނެޝަނަލް އިންޓެގްރިޓީ ކޮމިޝަން އޮތީ ނިދާފައި ކަމަށް ޕީޕީއެމްގެ ހަރަކާތު ކޮމިޓީގެ ޗެއާރ އަދި ހޯރަފުށީ ދާއިރާގެ ކުރީގެ މެންބަރު މުހައްމަދު އިސްމާއިލް ވިދާޅުވެއްޖެއެވެ. 

އިދިކޮޅުން ސިލްސިލާކޮށް ކޮންމެ ރެއަކު ކުރިއަށް ގެންދާ އިހްތިޖާޖުގެ ތެރެއިން، އެ އިހްތިޖާޖުގެ ބައިވެރިން ހައްޔަރުކޮށް، ހާލަތާއި ނުބައްދަލު ބާރުގެ ބޭނުން ކުރަމުންދާ ކަމަށާ، އެފަދައިން ކަން ކުރަނީ ސަރުކާރުން އަންގައިގެންކަން އިދިކޮޅުން އަންނަނީ ތުހުމަތު ކުރަމުންނެވެ. 

އެގޮތުން، މުޒާހަރާގެ ބައިވެރިންނާއި ފުލުހުންނާއި ދެމެދު ހިނގައިދިޔަ ކުރިމަތި ލުމެއްގެ ވީޑިއޯ ހިއްސާ ކުރައްވައި މުހައްމަދު ކުރެއްވި ޓްވީޓެއްގައި ވިދާޅުވީ، އިދިކޮޅުން ބުރިޖް ޕުލެޓްފޯމް ކައިރީގައި ކުރިއަށް ގެންދަނީ ސުލްހަވެރި އިހްތިޖާޖެއް ކަމަށާ، އެ އިހްތިޖާޖު ކުރިއަށް ގެންދަނީ ރައްޔިތުންނަށާ ދުއްވާ އެއްޗެއްސައް ދަތިނުވާނެ ގޮތަށްކަމަށެވެ. އަދި އެ ތަނުގައި އިހްތިޖާޖު ކުރަނީ، އެ ތަން ބޭނުން ކުރުމުގެ ހުއްދަ މާލޭ ސިޓީ ކައުންސިލްއިން ނަގައިގެން ކަމަށްވެސް އޭނާ ވިދާޅުވި އެވެ. 

Advertisement

އެހެން ނަމަވެސް، ދިވެހި ފުލުހުންގެ ހިދުމަތުން ހާލަތާއި ނުބައްދަލު ބާރުގެ ބޭނުންކޮށް ހަރަކާތުގެ ބައިވެރިންނަށް ބޮޑެތި އަނިޔާތައް ދެމުންދާ ކަމަށާ، އެފަދައިން ކަން ކުރަމުންދާއިރު ނެސަނަލް އިންޓަރ ގުރެޓީ ކޮމިިޝަނާ ހިއުމަން ރައިޓުސް ކޮމިިޝަން އޮތީ ނިދާފައި ކަމަށްވެސްްއޭނާ ވިދާޅުވި އެވެ. އަދި އެއީ ދިވެހިރާއްޖެ ދެކެމުންދާ ޑިިމޮކްރަސީގައި ފަހަތައް އަޅަމުންދާ ފިޔަވަޅު ތަކަކައް ނޫނީނުވާނެ ކަމަށްވެސް މުހައްމަދު ވިދާޅުުވިއެވެ.  

މީގެ އިތުރުން ވެސް މުހައްމަދު ކުރެއްވި ޓުވީޓެއްގައި ވަނީ، އިދިކޮޅުގެ ސުލްހަވެރި އިހްތިޖާޖްތައް ފުލުހުން ރޫޅަމުންދަނީ ކޮންއަސާސެއްގެ މައްޗަށް ބިނާ ކުރައްވައިތޯ ސުވާލުކުރައްވާފައެވެ.

އަދި ހަމައެހެންމެ، އެއްވެސް އިންޒާރު ދިނުމެއް ނެތި މުޒާހަރާގެ ބައިވެރިންގެ މޫނުގައި ޖައްސައި، ލޮލަށް އަމާޒު ކުރައްވައި ޕެޕާ ސްޕްރޭ ޖަހަމުންދާކަމާ، އެކަން ފުލުހުން ކުރައްވަމުންދަނީ ގާނޫނުގެ ކޮން މާއްދާއެއްގެ ދަށުންތޯވެސް އޭނާ ވަނީ ސުވާލު ކުރައްވާފައެވެ. 

އަދި މިފަދަ ކަންކަން ހިނގަމުންދާއިރު ހިޔުމަންރައިޓްސް ކޮމިޝަން ހިމޭނުން އޮތް އޮތުން ރައްޔިތުން އަންނަނީ ގާތުން ބަލަމުން ކަމަށްވެސް މުހައްމަދު ވިދާޅުވިއެވެ. 

މިއާއެކު އޭނާ ވިދާޅުވީ، މި އަނިޔާވެރިކަން ބަދަލުވުމުން ގާނޫނުގެ ދިގު އަތް ފޯނުވާނެ ކަމަށްވެސް އޭނާ ވިދާޅުވި އެވެ.