ރިޔާސީ އިންތިހާބުގެ ކެމްޕެއިނަށް މިއަދު ހަވީރު އުމަރު ނަސީރާއި ކެމްޕެއިން ޓީމުން ކުރިއަށް ގެންދިޔަ ރޯޑްރެލީގެ ތެރެއަށް ވަނތް މީހަކު ދަގަނޑުބުރިއެއް އެއްލައި އުމަރު ނަސީރަށް ހަމަލާދީފިއެވެ.
ރިޔާސީ އިންތިހާބުގައި އަމިއްލަ ގޮތުން ވާދަކުރައްވާ އުމަރު ނަސީރުގެ ފޭސްބުކް ގައި ކޮށްފައިވާ ޕޯސްޓެއްގައި ބުނެފައިވަނީ މިއަދު ހަވީރު ކުރިއަށް ގެންދިޔަ ރޯޑްރެލީގެ ތެރެއަށް މަސްތުވެގެން ހުރިކަމަށް ލަފާކުރެވޭ މީހަކު ވަދެ ދަގަނޑު އެއްޗެއް އެއްލައި އެމަނިކުފާނުގެ މޫނު މަތީގައި ޖެހުމަށްފަހު ފިލައިގައި ވާކަމަށެވެ.
މީގެ އިތުރުން އެ ޕޯސްޓްގައި ބުނެފައިވަނީ އެވަގުތު އުމަރު ނަސީރުގެ ސެކިއުރިޓީންގެ ގޮތުގައި ހަރަކާތްތެރިވި ފަރާތްތަކުން އެ މީހާގެ ފޮޓޯ ފުލުހުންނާއި ހިއްސާކޮށްފައިވާކަމަށެވެ.
މިއަދުގެ މި ހާދިސާތައް އުމަރު ނަސީރަށް އެއްވެސް ގެއްލުމެއް ލިބިފައި ނުވާކަމަށް ވެސް އެ ޕޯސްޓްގައި ބުނެފައިވެއެވެ.
Advertisement
This content is created and paid for by advertisers and does not involve Voice Journalists
