މިސަރުކާރުން އަރަބިއްޔާ ސްކޫލާއި ބެލެނިވެރިންނަށް ދިނީ ދޯކާ ކަމަށާއި ދާއިމީ ހައްލެއްނެތި މިސަރުކާރުގެ މިފަސް އަހަރުގައި މަގުމަތި ވެފައިވާ ޢަރަބިއްޔާ ސްކޫލުގެ ދަރިވަރުންނާއި ބެލެނެވެރިންގެ ކަންބޮޑުވުންތަކަށް ހައްލު ގެނެސްދީ މާލޭގައި ޖާގަ ތަނަވަސް ބޮޑު އިމާރާތެއް އަޅައި ދެއްވާނެކަމަށް ޕީއެންސީގެ ރިޔާސީ ކެންޑިޑޭޓް ޑރ.މުހައްމަދު މުއިއްޒު ވިދާޅުވެއްޖެއެވެ.
ރިޔާސީ އިންތިހާބުގެ ކެމްޕެއިންގައި ށ.ކަނޑިތީމު ރައްޔިތުންނާއި ބައްދަލު ކުރައްވާ ވާހަކަ ދައްކަވަމުން ޑރ.މުއިއްޒު ވިދާޅުވީ ރާއްޖެއަކީ އިސްލާމީ ގައުމެއް ކަމަށާއި މި ގައުމަށް އެންމެ މުހިންމު އެއްކަމަކީ އަރަބި ތައުލީމް ދިނުން ކަމަށެވެ. އެހެންނަމަވެސް ޢަރަބި އިސްލާމީ ތައުލީމަށް މިސަރުކާރުން ވަރަށް ބޮޑަށް އިހުމާލު ވެފައިވާކަމަށް މުއިއްޒުވަނީ ވިދާޅުވެފައެވެ.
އަރަބިއްޔާ ސްކޫލަށާއި، ބެލެނެވެރިންނަށް މިސަރުކާރުން ދިނީ ބޮޑު ދޯކާއެއް. މާލޭގެ އެންމެ ތޮއްޖެހުން ބޮޑު ތަނުން ޖާގަ ދިނީ. މާލޭގައި ޢަރަބި އިސްމާލް ދިނުމަށް ޢަރަބިއްޔާ ސްކޫލު ޤާއިމް ކުރުމަށް ބޮޑު ބިމެއް ހަމަޖައްސަވައި، ރަނގަޅު ފެންވަރެއްގެ އިމާރާތެއް ޤާއިމް ކޮށްދެއްވާނަން.
ޑރ މުހައްމަދު މުއިއްޒު
އަރަބިއްޔާއަށް ފަހުން ބިން ދިނީ މައްޗަންގޮޅީގެ އެންމެ ބާރުބޮޑު އެންމެ އުނދަގޫ ސަރަހައްދުން ކަމަށް މުއިއްޒު ވިދާޅުވިއެވެ. އަދި އެ ތަނުން ބިން ދޭނެކަމަށް ބުނެ އެ ބިންވެސް ނުދޭކަމަށް ވިދާޅުވިއެވެ.
އިމާރާތް އެޅެންދެން ވަގުތީ ހައްލެއްގެ ގޮތުގައި ފޮރިން މިނިސްޓްރީ ކުރިން ހިންގި ސޯމިލް އިމާރާތް ވަނީ އަރަބިއްޔާ ސްކޫލަށް ހަމަޖައްސައިދެއްވައިފައެވެ. އަރަބިއްޔާ ސުކޫލަކީ 2011ވަނަ އަހަރުގެ ތެރޭގައި އިމާރާތްކޮށް 2013 ގައި ހުޅުވި ސުކޫލެކެވެ. އެ އިމާރާތަށް ގިނަ ދުވަސްތަކެއް ނުވި ނަމަވެސް އިމާރާތުގެ ބޮޑު ބައިގައި ވަނީ ރެނދު ލައިފައެވެ.
ދަރުމަވަންތަ ސްކޫލުގެ އައު އިމާރާތުގެ މަސައްކަތް ނިމޫމާއެކު ދަރުމަވަންތަ ސްކޫލުގެ އައު އިމާރާތަށް އެ ސްކޫލުގެ ކިޔެވުން ބަދަލުކޮށް، އަރަބިއްޔާގެ ސްކޫލުގެ ކިޔެވުން ކުރިން ދަރުމަވަންތަ ހިންގި ވަގުތީ އިމާރާތަށް ވަނީ ބަދަލުކޮށްފައެވެ.
Advertisement
This content is created and paid for by advertisers and does not involve Voice Journalists
