20 އޮކްޓޯބަރުވާ ހުކުރު ދުވަހު ހެޔޮފިހާރަ 1 އަދި 2 އިން ކުރާ ވިޔަފާރީގެ 50 އިންސައްތަ ފަލަސްތީނަށް ހަދިޔާކުރުމަށް ނިންމައިފި އެވެ. 

އެކަން އާންމުކޮށް ހެޔޮ ފިހާރައިން ބުނީ އެއީ ފަލަސްތީނުގެ އަޚުންނާއި އުޚުތުންނަށް އެހީތެރިވުމުގެ ގޮތުން ނިންމި ނިންމުމެއް ކަމަށެވެ. އަދި އެކަމުގައި ހެޔޮ ފިހާރައިގެ ކަސްޓަމަރުންނާއި، ހުރިހާ ބޭފުޅުންގެ އެހީތެރިކަން ބޭނުންވާކަމަށް ހެޔޮފިހާރައިން ވަނީ ބުނެފައެވެ.

ރާއްޖޭގައި ފުޅާ ދާއިރާއެއްގައި ފިނި ކުރި ކާބޯތަކެތި ވިއްކަމުން އަންނަ ހެޔޮ ފިހާރަ 1 އަދި ހެޔޮފިހާރަ 2 ކުން ޗިކަން ތައި، ޗިކަން ވިންގްސް، ކޮށި ކުކުޅު، ޗިކަން ފިންގާސް، ޗިކަން ބާގަރ، ސޮސެޖް، ނަގެޓްސް، ޗިކަން ޑްރަމްސްޓިކް، ބޯންލެސް ޗިކަން، ފްރެންޗް ފްރައިސް، ކުކުޅު ކުރަނޑި، ބީފް، މަޓަން، މިކްސްޑް ތަރުކާރީ، ކޮލިފްލާވަރ، ބްރޮކޮލީ، މޮޒަރެއްލާ ޗީޒް، ގްރީން ޕީސް، ސްވީޓް ކޯން ފަދަ ބާވަތްތައް ލިބެން ހުންނާނެއެވެ.

ޕަލަސްތީނުގެ ރައްޔިތުންނަށް އެހީތެރިވުމަށް ހެޔޮ ފިހާރައިން ހުޅުވާލި ފުރުސަތުގެ ބޭނުން ވީހާ ވެސް ގިނަ ބަޔަކު ހިފުމަށް އެ ފިހާރައިން ވަނީ އެދިފައެވެ.

އިޒްރާއިލްގެ ޔަހޫދީން ފަލަސްތީނަށް ދެމުންދާ ހަމަލާތަކުގައި މިހާތަނަށް 2000 އާއި ގާތްކުރާ އަދަދަކަށް ފަލަސްތީނުގެ ރައްޔިތުން ޝަހީދުކޮށްލާފައިވާއިރު، އެތައް ބަޔަކަށް ވަނީ އެކި ވަރުގެ ޒަޚަމްތައް ވެފައެވެ. 

އޭގެ އިތުރުން ޣައްޒާ ބަންދުކޮށްގެން ތބި ޔަހޫދީން ވަނީ ފަލަސްތީނަށް ފެނާއި ކާބޯތެތީގެ އިތުރުން ޒަރޫރީ ޚިދުމަތްތައް ކަނޑާލާފައެވެ. އެކަމުގެ ސަބަބުން ޣައްޒާ ކުއްލި އެހީތެރިކަން ބޭނުންވެފައިވާއިރު، ދިވެހިރާއްޖެއިން ގެންދަނީ ޣައްޒާއަށް އެހީތެރިވުމުގައި މިސާލުދައްކަމުންނެވެ. 

އެގޮތުން ހައްދުފަހަނައަޅާފައިވާ ޔަހޫދީން ފަލަސްތީނުގައި ހިންގަމުންދާ ޢުދުވާނުތަކުގައި ހާލުގައި ޖެހިފައިވާ މުސްލިމު އަޚުންނާއި އުޚުތުންނަށް އެހީވުމަށް އިންޓަނޭޝަނަލް އެއިޑް ކެންޕެއިން، އައިއޭސީން ހުޅުވާލި، "ޣައްޒާ އެމެޖެންސީ ރިލީފް ފަންޑް" އަށް ކޮންމެ ދުވަހަކު އެއް މިލިއަން ރުފިޔާ ލިބެމުންދާ ކަމަށް އައިއޭސީން ބުނެފިއެވެ.