އިންތިޚާބީ ރައީސް ޑރ މުހައްމަދު މުއިއްޒު ވެރިކަމުގެ ޤާނޫނީ ހުވާކުރުމަށް ބާއްވާ ރަސްމިއްޔާތުގެ އިންތިޒާމުތައް ހަމަޖެއްސުމަށް ސިފައިންގެ ވެލްފެއާ ކުންފުނި ސިވެކްއާއި ހަވާލުކޮށްފި އެވެ.
ރައީސުލްޖުމްހޫރިއްޔާ އާއި ނައިބު ރައީސް ހުވާ ކުރެއްވުމުގެ ރަސްމިއްޔާތާއި ގުޅޭ ހުރިހާ އިންތިޒާމްތަކެއް ހަމަޖައްސަން ޖެހޭނީ ރައްޔިތުންގެ މަޖިލީހުންނެވެ.
އެ މަސައްކަތްތަކާއި ގުޅޭ މައުލޫމާތު ދެއްވަމުން ރައްޔިތުންގެ މަޖިލީހުން ބުނީ ހުވާކުރުމުގެ ރަސްމިއްޔާތުގެ ހުރިހާ އިންތިޒާމުތަކެއް ހަމަޖެއްސުމަށް ސިވެކްއާއި ހަވާލުކުރެވިފައިވާ ކަމަށެވެ. އަދި އެ މަސައްކަތް ހަވާލުކުރެވިފައިވަނީ 22.9 މިލިއަން ރުފިޔާއަށް ކަމަށް އެ އިދާރާއިން ވަނީ ބުނެފައެވެ.
އިންތިހާބީ ރައީސް އަދި ނައިބު ރައީސް ހުވާ ކުރެއްވުމުގެ ރަސްމިއްޔާތު އޮންނާނީ ނޮވެންބަރު 17، ވާ ހުކުރު ދުވަހު ހަވީރު 4:30 ގައި ޖުމްހޫރީ މައިދާނުގައި އެކަމަށް ހާއްސަކޮށް ބާއްވަވާ ދަރުބާރުގަ އެވެ. އަދި އެ ރަސްމިއްޔާތަށް ޖުމްހޫރީ މާއިދާން ތައްޔާރުކުރުމުގެ މަސައްކަތް މިހާރު ވަނީ ފަށާފަ އެވެ.
ހުވާކުރުމުގެ ރަސްމިއްޔާތުގެ މަސައްކަތްތައް ފެށިގެން ކުރިއަށް
އިންތިޚާބީ ރައީސުލްޖުމްހޫރިއްޔާ ޑރ މުހައްމަދު މުއިއްޒު އަދި ނައިބު ރައީސް ހުސެއިން މުހައްމަދު ލަތީފު ހުވާކުރެއްވުމުގެ ރަސްމިއްޔާތަށް 3500 މީހުންނަށް ދައުވަތު އަރުވަން ނިންމާފައިވާކަމަށް ރައްޔިތުންގެ މަޖިލީހުން ވަނީ ހާމަކޮށްފަ އެވެ.
އިންތިޚާބީ ރައީސް ހުވާކުރެއްވުމުގެ ރަސްމިއްޔާތު ޖުމްހޫރީ މައިދާނުގައި ކުރިއަށް ގެންދެވުމަށް ނިންމަވާފައިވަނީ އެ ރަސްމިއްޔާތުގައި ވީހާވެސް ގިނަ އާންމު ރައްޔިތުންނަށް ބައިވެރިވުމުގެ ފުރުސަތު ފަހިކޮށްދިނުމުގެ ގޮތުންކަމަށް އިންތިޚާބީ ރައީސް ވަނީ ވިދާޅުވެފަ އެވެ.
Advertisement
This content is created and paid for by advertisers and does not involve Voice Journalists
