Advertisement
އާ އަހަރުން ފެށިގެން ސުކޫލު ސެޝަންތައް ފަށާނީ ޤައުމީ ސަލާމުން: ރައީސް
އާ އަހަރުގެ ޖެނުއަރީމަހުން ފެށިގެން ސުކޫލުތަކުގެ ސެޝަން ޤައުމީ ސަލާމުން ފަށަން ސަކުރާރުން ނިންމައިފި އެވެ.
ރައީސުލްޖުމްހޫރިއްޔާ ޑރ މުހައްމަދު މުއިއްޒުގެ ކެބިނެޓުން ނިންމި މުހިންމު ނިންމުންތައް ހާމަކުރުމަށް މިއަދު ރައީސް އޮފީހުގައި ބޭއްވި ނޫސްވެރިންގެ ބައްދަލުވުމުގައި ވާހަކަދައްކަވަމުން ރައީސުލްޖުމްހޫރިއްޔާ ޑރ މުއިއްޒު ވިދާޅުވީ ގައުމިއްޔަތު ދިރުވާ އާލާކުރުމަކީ އެމަނިކުފާނުގެ ސަރުކާރުން ޚާއްސަ އަހަންމިއްޔަތު ކަމެއް ދީގެން ކުރާނެ ކަމެއް ކަމަށެވެ.
އެގޮތުން ސުކޫލު ކުދިންގެ ހިތްތަކުގައި ޤައުމީ ލޯބި އަށަގެންނެވުމަށް އާ އަހަރުން ފެށިގެން ސުކޫލުތަކުގެ ކޮންމެ ސެޝަނެއް ފަށާއިރު ޤައުމީ ސަލާން ކިޔާގޮތަށް ނިންމާފައިވާކަމަށް އެމަނިކުފާނު ވިދާޅުވި އެވެ.
Advertisement
"މި އަންނަ އަހަރު، ޑިސެމްބަރުގައި ސުކޫލު ބަންދުވެފައި ޖެނުއަރީގައި ސުކޫލު ހުޅުވޭ ޓާމުން ފެށިގެން ދެން ކޮންމެ ސުކޫލެއްގައި ކިޔަވާކުދިން ސެޝަން ފަށާނީ ޤައުމީ ސަލާން ކިޔާފަ"
ރައީސުލްޖުމްހޫރިއްޔާ ޑރ މުއިއްޒު
ރައީސުލްޖުމްހޫރިއްޔާ ޑރ މުއިއްޒު ވިދާޅުވީ ޤައުމީ ސަލާމުން ސެޝަންތައް ފަށާގޮތަށް ނިންމެވީ ސުކޫލު ކުދިންގެ ހިތްތަކުގައި ގައުމީ ލަވަޔާއި ގައުމީ ދިދައަށް ލޯބި އުފެއްދުމަށް ކަމަށެވެ.
ގަވައިދުން ގައުމީ ސަލާން ކިޔާނަމަ، އޭގައި އެ ބުނާ ވާހަކަތަކާއި ދޭތެރޭ ދަރިވަރުން ވިސްނަން ފަށާނެ ކަމަށާއި، އަދި އެކުދިންގެ ހިތްތަކުގައި ގައުމީ ރޫހު އާލާވާނެ ކަމަކަށް އެކަން ވެގެންދާނެ ކަމަށް ގަބޫލުފުޅު ކުރައްވާކަމަށް ރައީސުލްޖުމްހޫރިއްޔާ ޑރ މުއިއްޒު ވިދާޅުވި އެވެ.
އޭގެ އިތުރުން ވެސް ގައުމިއްޔަތު ދިރުވާ އާލާކުރުމަށް ގިނަ ކަންތައްތަކެއް ކުރުމަށް ސަރުކާރުން ގަސްދުކުރާކަމަށް އެމަނިކުފާނު ވިދާޅުވި އެވެ.
Advertisement
Advertisement
Advertisement
This content is created and paid for by advertisers and does not involve Voice Journalists
Advertisement
