ރައީސުލްޖުމްހޫރިއްޔާ ޑރ މުހައްމަދު މުޢިއްޒުގެ ސަރުކާރުން ހުރިހާ ކުޅިވަރު ހަރަކާތާއި، އެތުލީޓުންނަށް ވެސް އެއްބާރުލުމާއި އެހީތެރިކަން ދޭނެ ކަމަށް ކުޅިވަރާއި ހަށިހެޔޮކަމާއި ބެހޭ ވުޒާރާގެ ނާއިބު ހުސައިން ޝިފާޒު ވިދާޅުވެއްޖެއެވެ.
ހޮންޑާ ރާސް ޗެމްޕިއަންޝިޕް 2023 ކާމިޔާބު ކަމާއި އެކު ނިންމާލުމާއި ގުޅިގެން ޝިފާޒް ކުރެއްވި ޓްވީޓެއްގައި ވިދާޅުވީ ހުޅުމާލޭގައި ބޭއްވުނު އެ މުބާރާތް ބަލާލުމުގެ ފުރުސަތު ލިބުމަކީ ލިބުނު ފަޚުރެއް ކަމަށެވެ.
އަދި ރާއްޖޭގައި ރޭސިންގް ކުރިއެރުވުމަށްޓަކައި ރޭސިންގް އެސޯސިއޭޝަނަށް ދޭންޖެހޭ އެންމެހައި އެހީތެރިކަމާއި އެއްބާރުލުމެއް މިސަރުކާރުން ދޭނެ ކަމަށްވެސް ޝިފާޒް ވިދާޅުވި އެވެ.
"ރައީސުލްޖުމްހޫރިއްޔާ ޑރ މުހައްމަދު މުޢިއްޒުގެ ސަރުކާރުން، ދިވެހި ރާއްޖޭގައި ހުރިހާ ކުޅިވަރު ހަރަކާތަކާއި، އެތުލީޓުން ކުރިއެރުވުމަށް އެއްބާރުލުމާއި އެހީތެރިކަން ދޭނެ."
ހުސައިން ޝިފާޒް
ޝިފާޒު މިފަދައިން ވިދާޅުވެފައި ވާއިރު، ރޭސިންގް އެސޯސިއޭޝަނުން ވަނީ، މި މުބާރާތަށް ސަރުކާރުގެ ކުންފުންޏެއް ކަމަށްވާ އާބަންކޯއިން ދީފައިވާ އެއްބާރުލުމަށް ޝުކުރުވެސް އަދާކޮށްފައެވެ. އާބަންކޯ އަކީ އެ މުބާރާތުގެ ވެނިއު ޕާޓްނަރެވެ.
Advertisement
This content is created and paid for by advertisers and does not involve Voice Journalists
