އުރީދޫ މޯލްޑިވްސް އިން ޕެރިސް ސެއިންޓް ޖާމަން (ޕީއެސްޖީ)ގެ ލެޖެންޑް ޖޭ-ޖޭއޮކޯޗާ ބައިވެރިވާ ތާރީހީ ފުޓްސަލް މެޗެއް މިއަދު (ޖުލައި 8) މާލޭގެ ގަލޮޅު ދަނޑުގައި ބާއްވައިފި އެވެ.

މި މެޗްގައި ޖޭ-ޖޭ އޮކޯޗާއާއެކު ރާއްޖޭގެ ނައިބު ރައީސް އޒ ހުސައިން މުހައްމަދު ލަތީފް، "ޕްލޭ ފުޓްސަލް ވިތު އޮކޯޗާ" ސޯޝަލް މީޑިއާމުބާރާތުން ތިން ނަސީބުވެރިންނާއެކު ބައިވެރިވެފައެވެ. އެ މީހުންގެ ވާދަވެރިންނަކީ އުރީދޫ މޯލްޑިވްސްގެ އެމްބެސެޑަރުން ކަމަށްވާ މާޒިޔާޓީމެވެ.

އެކުވެރިކަމުގެ މި ފުޓްސަލް މެޗަކީ ޖޭ-ޖޭ އޮކޯޗާ ރާއްޖެއަށް ކުރި ދަތުރުގެ އެންމެފާހަގަކޮށްލެވޭ ހަރަކާތަށް ވެގެން ދިޔައިރު، ޓެލެވިޒަން މޯލްޑިވްސް އިން ލައިވް ކޮށްމި މެޗު ގެނެސްދެވުނެވެ. މި މެޗަކީ 20 މިނެޓުގެ ދެ ހާފްގެ ހިމެނޭ ފުޓްސަލް މެޗެކެވެ. ޓީމް މާޒިޔާ މޮޅުވީ 7-5 ގެ ނަތީޖާއަކުންނެވެ.

ޓީމު ލެޖެންޑްސް

ޖޭ-ޖޭ އޮކޯޗާ، ޕީއެސްޖީ ލެޖެންޑް

ދިވެހިރާއްޖޭގެ ޢިއްޒަތްތެރި ނައިބު ރައީސް - އަލްއުސްތާޛު. ޙުސައިން މުޙައްމަދުލަޠީފް

ކުޅިވަރާ ބެހޭ ވަޒީރު - ޢަބްދުالله ރަފީޢު

އުރީދޫ މޯލްޑިވްސްގެ ސީއީއޯ އަދި އެމްޑީ - ޚާލިދު އަލް- ހަމާދީ

އަލީ އަޝްފާގު (ދަގަނޑޭ)

(ކުރީގެ ގައުމީ ޓީމުގެ ކެޕްޓަން) މުޙައްމަދު ކަލީމް

ޕްލޭ ފުޓްސަލް ވިތު އޮކޮޗާ ސޯޝަލް މީޑިއާ މުބާރާތުގެ 3 ނަސީބުވެރިން

ކޯޗު: އަލީ ސުޒައިން

ޓީމު މާޒިޔާ

މާޒިޔާ ސްޕޯޓްސް އެންޑް ރެކްރިއޭޝަން ކްލަބް، އުރީދޫ އެމްބެސެޑަރުން

“ޕީ.އެސް.ޖީ ލެޖެންޑް ޖޭ-ޖޭ އޮކޯޗާ އާއެކު ދިވެހިރާއްޖޭގެ ނައިބު ރައީސް އަދި ރާއްޖޭގެ ލެޖެންޑްސް ބައިވެރިވާ މި މެޗު ރާވާ ބޭއްވުމަކީ އުރީދޫއަށް ލިބުނު ވަރަށް ބޮޑު ޝަރަފެއް. މިފަދަ ހަރަކާތްތަކަކީ ކުޅިވަރުގެ ސަބަބުން މުޖުތަމައުގެ އެއްބައިވަންތަކަން ކުރިއެރުވޭނެ ކަން ރަމްޒުކޮށްދޭ ހެއްކެއް." އުރީދޫގެ ސީއީއޯ އަދި އެމް.ޑީ، ޚާލިދު އަލް ހަމާދީ ވިދާޅުވިއެވެ.

އުރީދޫއިން ބުނީ ޕްލޭ ފުޓްސަލް ވިތު އޮކޮޗާ" ސޯޝަލް މީޑިއާ މުބާރާތަށް ގިނަ ބައެއްގެ ސަމާލުކަންލިބިގެންދިޔަކަމީ، ދިވެހި މުޖުތަމައުގެ މެދުގައި ފުޓްބޯޅައަށް އޮތް ހިތްވަރާއި ލޯބިފެނިގެންދިޔަކަމެއް ކަމަށެވެ. މި މުބާރާތުގައި ބައިވެރިވި ފަރާތްތަކުގެ މެދުގައި ގުރުއަތުން ނެގުނު 3 ނަސީބުވެރިންނަށް ފުޓްބޯޅައިގެ އެންމެ މޮޅު އެއް ނަން ކަމަށްވާ ޖޭ-ޖޭއޮކޯޗާއާ އެކު ކުޅުމުގެ ތަފާތު ތަޖުރިބާ ކުރެވިގެން ދިޔައެވެ.

އުރީދޫ އާއި ޕެރިސް ސެއިންޓް ޖާމަން (ޕީއެސްޖީ) ގުޅިގެން ކުރިއަށް ގެންދާ މިހަރަކާތަކީ އެއްބައިވަންތަ ކަމެއްގެ ގޮތުގައި ފުޓްބޯޅަ ފާހަގަކޮށް، އުރީދޫގެ ކަސްޓަމަރުންނާއިއެކު ގުޅުން ބަދަހިކުރުމުގެ މަގްސަދުގައި ކުރިއަށް ގެންދެވޭ ހަރަކާތެކެވެ.