ދިވެހިންނަށް ސައިބާ ސެކިޔުރިޓީގައި ގައުމީ ލެވެލްގައި ޚިދުމަތް ކުރުމުގެ ފުރުސަތު ދިނުމަށް ހެންވޭރު ދެކުނު ދާއިރާގެ މެންބަރު ހުސައިން އިމްރާން ލަޠީފް އެދިވަޑައިގެންފިއެވެ.
ރަައްޔިތުންގެ މަޖިލީހުގެ މިއަދުގެ ޖަލްސާގައި ޖިނާއީ މައްސަލަތަކުގައި ގާނޫނީ އެހީތެރިކަން ބަދަލުކުރުމުގެ ގާނޫނަށް އިސްލާހު ގެނައުމުގެ ބިލު ސަރުކާރުގެ ފަރާތުން ހުށަހަޅުއްވާފައިވާއިރު، އެ ބިލަށް ބަހުސް ކުރައްވަމުން ޢިމްރާން ވަނީ ސައިބާ ސެކިޔުރިޓީއާއި ގުޅުން ހުރި ކަންކަމަކީ ދިވެހިރާއްޖޭގެ ސަލާމަތާއި ރައްކާތެރިކަމާއި ގުޅުންހުރި ކަންތައްތައް ކަން ފާހަގަކުރައްވާފައެވެ.
ކަންމިހެން ހުރި ނަމަވެސް ރާއްޖޭގައި ނިމިދޔަ ސަރުކާރުތަކުން އެފަދަ ކަންކަމުގައި ބަރޯސާވެފައިވަނީ ބޭރުގައުމު ތަކުގެ ފާމް ތަކުގެ އެހީއަށްކަން ފާހަގަކުރައް އިމްރާން ވަނީ، ދިވެހި ޒުވާނުންވެސް އެ ދާއިރާއިން ވަރަށް ބޮޑަށް ކުރިއަރާފައިވާކަން ފާހަގަކުރައްވާފައެވެ.
އެގޮތުން ބޭރު ގައުމުތަކުގެ އެކިއެކި ކުންފުނިތަކަށް އެ ދާއިރާއިން ދިވެހިން ޚިދުމަތްކޮށްދީފައިވާ ކަމަށާ، ރާއްޖޭގައި އެފަދަ ބިލެއް ފާސްވެގެން އަންނަ އިރު، އެފަދަ ޒުވާނުންނަށް އެ ދާއިރާއިން ރާއްޖެއަށް ޚިދުމަތް ކުރުމަށް ފުރުސަތުދޭންޖެހޭ ކަމަށް އޭނާ ވިދާޅުވިއެވެ.
ރޭާއްޖޭގައި މިހާރު އެބަހުރި މިކަންކަން ކުރަމުންދާ ސެކިޔުރިޓީ ފާމްތައް. އަޅުގަނޑުމެންގެ ޒުވާނުން މިކަންކަމަށް ހޭލުންތެރުވެފައުވާ މިންވަރަކީ، މި ބޭފުޅުން މަސައްކަތް ކޮށްދެއވާފައި އެބަހުރި ރާއްޖެއިން ބޭރުގެ، ސެކިޔުރިޓީ ފާމް ތަކަށް. އެގޮތުން މައިކްރޮސޮފްޓާއި، ޔޫއެސް ޑިޕާޓްމަންޓް އޮފް ޑިފެންސް، އައިބީއެމް، އޫބާ، ޕޭޕެލް، އެޓޯރޯ، އީބޭ، ޑެލް އަދި އޭގެ އިތުރުން، އެޗްޕީ، ލިންކުޑިން، ބީބީސީ،ސްޕޮޓިފައި މިފަދަ ދުނިޔޭގެ މަޝްހޫރު އިދާރާތަކާ ކުންފުނިތަކަށް އެބަހުރި ސައިބާ ސެކިޔުރިޓީ އާއި ސައިބާ އެނަލިސިސް، މިހެން ގޮސް ސައިބާ ސެކިޔުރިޓީއާ ގުޅުންހުރި ހުރިހާ ދާއިރާ އަކުން ދިވެހިން އެބަތިބި އެހީވެފައި. އެކަން އިންޓަނޭޝަނަލް ލެވެލްގައި އެބަހުރި ފާހަގަކޮށްފައި.
ހެންވޭރު ދެކުނު ދާއިރާގެ މެންބަރު ހުސައިން އިމްރާން ލަޠީފް
“އެހެންވީމާ އަޅުގަނޑު އުއްމީދު ކުރަނީ މި ގާނޫނަށް އިސްލާހު ގެނެވިގެންދާއިރު ދިވެހިންނަށް ސައިބާ ސެކިޔުރިޓީގައި ގައުމީ ލެވެލްގައި ޚިދުމަތް ކުރުމުގެ ފުރުސަތު ލިބިގެން ދިޔުން” ޢިމްރާން ވިދާޅުވިއެވެ.
މީގެ އިތުރުންވެސް އިމްރާން ވަނީ، އޮންލައިން ސިސްޓަމް ތަކުގެ ތެރެއިން އެކިއެކި ވައްކަން ކުރަމުންދާ ކަން ފާހަގަކުރައްވައި އެފަދަ ކަންކަން ހުއްޓުވުމަށް ސައިބާ ސެކިޔުރިޓީ އާއި ގުޅުންހުރި ބިލު ފާސްކުރުން މުހިންމުކަމަށް ވިދާޅުވެފައެޗެ.
Advertisement
This content is created and paid for by advertisers and does not involve Voice Journalists
