ހުޅުމާލޭގައި ފުޑް ޓްރަކް ހިންގަން ބޭނުންވާ ފަރާތްތަކުން ޝައުގުވެރިކަން ފާޅު ކުރުމުގެ ފުރުސަތު ޑިވެލޮޕްމަންޓު ކޯޕަރޭޝަން (އެޗްޑީސީ) އިން ހުޅުވާލައިފި އެވެ.

އެޗްޑީސީ އިން ކުރި އިއުލާނުގައި ބުނީ، އެ ޓުރަކުތައް ހިންގުމަށް ހަވާލު ކުރާނީ ވަކި ރޭޓަކަށް ކަނޑައަޅާފައިވާ ފީއަކަށް ކަމަށެވެ.

އަދި އެއް ހުށަހެޅުމަށްވުރެ ގިނައިން ޓުރަކު ހިންގަން ހުށަހަޅައިފިނަމަ އެ ޚިދުމަތް ދެވޭނެ ބަޔަކު ބަލާނީ އެ ކޯޕަރޭޝަންގެ މާސްޓާ ޕްލޭނާ އެއްގޮތަށް ކަމަށެވެ.

މިއާއެކު އެޗްޑީސީން ބުނީ، ޓުރަކުތައް ހިންގުމަށް ޝައުގުވެރިވާ ފަރާތްތަކަށް އަންނަ މަހު ހައެއްގެ ކުރިން އެޕްލިކޭޝަން ފޯމު ހުށަހެޅޭނެ ކަމަށާ، އެޕްލިކޭޝަން ފޯމާ އެއްކޮށް ފުޑް ޓުރަކުގެ ކޮންސެޕްޓު ޑިޒައިން ވެސް ހުށަހަޅަން ޖެހޭނެ ކަމަށެވެ.

އެޗްޑީސީން ބުނެފައިވާ ގޮތުން މި ހިދުމަތްދޭ ކާނާ އުފައްދާ އަދި ވިއްކާ އުޅަނދުތައް ހުޅުމާލޭގެ 12 ސަރަހައްދެއްގައި ހަރަކާތްތެރިވާނެ އެވެ. 

1.އެސްޓީއޯ ހޮޓެލް ސަރަހައްދު

2.ފެރީ ޓާމިނަލް

.3ސެންޓްރަލް ޕާކް

4.އެޗްޑީސީ,ހެޑް އޮފީސް

5.ފަހިވެނި ކޮމިއުނިޓީ ސެންޓަރު ސަރަހައްދު

6.ފެހިރެސް ޕާކް

7.ރެހެންދި ސްކޫލް

8.ރުއްގަނޑު އެކެއް ސަރަހައްދު

9.ރުއްގަނޑު ދޭއް ސަރަހައްދު

10.ރެޑްބުލް ޕާކް ސަރަހައްދު

11.ފުޓްބޯލް ސްޓޭޑިއަމް ސަރަހައްދު

12.ވޯޓާ ތީމް ޕާކް

އެޗްޑީސީއިން އިތުރަށް ބުނީ، މި ގައިޑްލައިނާއި ހިލާފުވާ ފަރާތްތަކުން 5,000ރ. އާއި 50,000ރ. އާ ދެމެދުގެ އަދަދަކުން ޖޫރިމަނާ ކުރާނެ އެވެ.