ރާއްޖޭގައި ރިސޯޓް ތަރައްގީ ކުރުމުގެ ފުރުސަތު ހުޅުވާލައި މިދިޔަ މެއި މަހު 30 ވަނަ ދުވަހު ކުރި އިއުލާނުގައިވާ ރަށްތަކުގެ ލިސްޓަށް ފަތުރުވެރިކަމާ ބެހޭ ވުޒާރާއިން ބަދަލު ގެނެސްފިއެވެ.

މިކަމާ ގުޅިގެން އެ ވުޒާރާއިން ކުރި އިއުލާނުގައި ބުނެފައިވަނީ ރިސޯޓް ތަރައްގީ ކުރުމަށް ދޫކުރުމަށް ކަނޑައަޅާފައިވާ ރަށްރަށާއި ފަޅުތަކުގައި ފަތުރުވެރިކަން ތަރައްޤީކުރުމަށް ޝައުގުވެރިވާ ފަރާތްތަކުން ޕްރޮޕޯސަލް ހުށަހެޅުމަށް ކުރެވުނު އިޢުލާން އިތުރު އިސްލާޙެއް ގެނެސްފައިވާ ކަމަށެވެ.

އެގޮތުން އެ އިޢުލާން ގެ ދަށުން ޝާއިޢުކުރެވިފައިވާ ރަށްރަށާއި ފަޅުތަކުގެ ލިސްޓަށް ރ. ޅާނބުގަލި އިތުރުކޮށްފައިވާކަމަށާ، އެ ލިސްޓުން ތިން ތަނެއް އުނިކޮށްފައިވާ ކަމަށް ބުނެފައިވެއެވެ. ލިސްޓުން އުނިކުރި ތިން ތަނަކީ ވ. އަތޮޅުން ރިސޯޓު ހަދަން ކުއްޔަށް ކަނޑައެޅި ފަޅާއި، ޅ. ވިހަވަރު ފިނޮޅާއި، ލ. ހަންހުއްޓެ ކަމަށެވެ.

މި ލިސްޓާއި ގުޅިގެން އިތުރު މަޢުލޫމާތު ބޭނުންވާނަމަ ޓޫރިޒަމް މިނިސްޓްރީގެ އީމެއިލް [email protected] އަށް އީމެއިލް ކުރައްވައިގެން ސާފުކުރުމަށް ޓޫރިޒަމް މިނިސްޓްރީ އިން އެދޭ ކަމަށާއި އަދި ޕްރޮޕޯސަލް ފޯމު މިނިސްޓްރީގެ ވެބްސައިޓުން ލިބެން ހުންނާނެ ކަމަށް ވެސް އެ މިނިސްޓްރީ އިން ބުނެއެވެ.

ޓޫރިޒަމް މިނިސްޓްރީ އިން މި ގެނައި ބަދަލާއެކު އެ ލިސްޓުގައި މިހާރު ހިމަނާފައިވާ ތަންތަނަކީ:

- ހދ. ވައިކަރަމުރައިދޫ - 15 ހެކްޓަރުގެ ބިން

- ށ. ކުޑަޅައިމެންދޫ - 13.11 ހެކްޓަރުގެ ބިން

- ރ. ދިއްކުރެއްދޫ - 4.83 ހެކްޓަރުގެ ބިން

- ރ. ޅާނބުގަލި - 2.66 ހެކްޓަރު

- ޅ. ދިއްފުށި (ޅ. މައިދޫއާ އެކު) - 15.17+20.99 ހެކްޓަރު

- ޅ. ވިހަފަރުފިނޮޅު - 0.28 ހެކްޓަރު

- ކ. ހިއްމިއްޔާ ފަޅު - 712 ހެކްޓަރު

- ކ. އަތޮޅުގެ ފަޅެއް - 45 ހެކްޓަރު

- އއ. އަލިކޮއިރަށް - 1.47 ހެކްޓަރު

- ތ. ގާލީ (އެ އަތޮޅުގެ އެހެން ރަށަކާ އެކު) - 6.96 އާއި 0.20 ހެކްޓަރ

- ތ. ރުއްތިބިރަށް - 8.41 ހެކްޓަރު

- ތ. ކަނިމީދޫ - 10 ހެކްޓަރު

- ލ. ކަށިދޫ - 3.11 ހެކްޓަރު

- ލ. ބޮޑުމުންޏަފުށި - 3.14 ހެކްޓަރު

- ލ. ހަންހުށި - 2.81 ހެކްޓަރު

- ގއ. ބޭރުމައުޑޫ - 3.08 ހެކްޓަރު

- ގދ. ކަޅެހުއްޓާ - 7.61 ހެކްޓަރު