އުރީދޫ މޯލްޑިވްސް އިން ވިލާ ކޮލެޖާ އެކު ސްޓްރެޓެޖިކް ޕާޓްނާޝިޕެއް އިއުލާނުކޮށްފިއެވެ.

އުރީދޫއިން ބުނެފައިވާ ގޮތުން، މި އެއްބަސްވުމުގެ މަޤްޞަދަކީ ޑިޖިޓަލް ދުނިޔެއެއްގައި އަންނަން އޮތް ޖީލު ބާރުވެރިކުރުމުގެ ގޮތުން ތަމްރީނާއި އިންޓާންޝިޕްގެ ފުރުސަތުތައް ފަހިކޮށްދިނުމެވެ.

މި އެއްބަސްވުމުގެ ދަށުން، ވިލާ ކޮލެޖުގެ މިހާރުގެ އަދި ކުރީގެ ދަރިވަރުންނަށް އާ މަގުތަކެއް ހުޅުވިގެންދާނެ ކަމަށާ، އިންޑަސްޓްރީގެ ތަޖުރިބާކާރުންގެ ފަރާތުން ތަޖުރިބާ ހޯދުމުގެ ފުރުސަތު ލިބި، ހަލުވި ކަމާއެކު ކުރިއަރަމުން އަންނަ ޓެލެކޮމިއުނިކޭނިކޭޝަން އަދި ޓެކްނޮލޮޖީގެ ދާއިރާއިން ކާމިޔާބު ކަމާއެކު ކުރިއަށް ދިއުމަށް މަގުފަހިވެގެންދާނެ ކަމަށް އުރީދޫއިން ފާހަގަކުރެއެވެ.

އަދި މި ކޯލަބަރޭޝަންގެ ޒަރީއާއިން މި ދާއިރާގެ މުސްތަޤްބަލުގެ ލީޑަރުން ކުރިއެރުވުމަށް އެހީތެރިކަން ފޯރުކޮށްދީ، އަމަލީ ތަޖުރިބާއަށް މަގުފަހިކޮށްދީ، އިންޑަސްޓްރީގެ އިލްމާއި މެންޓަޝިޕް ފޯރުކޮށްދެވިގެންދާނެ ކަމަށް އޭނާ ވިދާޅުވިއެވެ.

އުރީދޫއިން އިތުރަށް ބުނީ، މި ޕާޓްނަރޝިޕްގެ މައިގަނޑު އަމާޒަކީ ދަރިވަރުންނަށް ޓެލެކޮމިއުނިކޭޝަން ދާއިރާއިން ކުރިއެރުމަށް ބޭނުންވާ އަމަލީ ހުނަރާއި އިންޑަސްޓްރީގެ ވިސްނުން އަހުލުވެރިކުރުވުން ކަމަށެވެ. އަދި އިންޓާންޝިޕް، ޓްރެއިނިންގ ސެޝަންތައް އަދި ހޭންޑްސް-އޮން ޓެކްނިކަލް އެކްސްޕީރިއަންސް ފޯރުކޮށްދީގެން، ދަރިވަރުން މަސައްކަތުގެ މައިދާނަށް ތައްޔާރުކޮށް، މުސްތަޤްބަލުގެ ކުރިއެރުންތަކަށް އަހުލުވެރިކުރުވައި، ޤައުމުގެ ޑިޖިޓަލް ޓްރާންސްފޯމޭޝަނަށް އެހީތެރިވެވޭނެ ފަދަ ޤާބިލު ބަޔަކަށް ހެދުމަށް މަސައްކަތްކުރެވޭނެ ކަމަށެވެ. 

އުރީދޫ މޯލްޑިވްސް އަށް ޓެލެކޮމިއުނިކޭޝަން ކެޓަގަރީން އެމްޕްލޯޔަރ އޮފް ދަ އިޔަރގެބްރޯންޒް ސްޓީވީ އެވޯޑް މިއަހަރު ވަނީ ލިބިފައެވެ. ބައިނަލްއަގްވާމީ މި އެވޯޑަކީމުވައްޒަފުންގެ ކުރިއެރުމަށާއި ދުޅަހެޔޮކަމާއި ހުނަރުވެރިކަން ކުރިއެރުވޭނެ މާހައުލެއްގާއިމުކުރުމަށް އުރީދޫއިން ކުރަމުންދާ މަސައްކަތްފާހަގަކޮށްދޭ އެވޯޑެކެވެ. 

ކުރިއެރުމާއި، މަސައްކަތާއި ދިރިއުޅުމުގެ ބެލެންސް އަދި ދެމެހެއްޓެނިވި އުނގެނުމަށް މަގުފަހިކޮށްދޭމަސައްކަތްތަކަށް އިންވެސްޓްކޮށްގެން، އުރީދޫ މޯލްޑިވްސް އިން ދަނީ އެ ކުންފުނީގެމުވައްޒަފުން ބާރުވެރިކޮށް، ޓެލެކޮމިއުނިކޭޝަން ސިނާއަތުގައި ރާއްޖޭގެ އިތުރުންދުނިޔޭގެ ފެންވަރުގައި ވެސް ކުރީ ސަފުގައި ފުރުސަތުތަކަށް މަގުފަހިކޮށްދެމުންނެވެ.