Advertisement

އިންޑިއާގެ ބޮޑުވަޒީރު މޯދީ ސްރީލަންކާގައި

04 Apr 2025 | 22:59
މޯދީ ލަންކާއަށް ކުރެއްވި ޒިޔާރަތުގެ ތެރެއިން... ފޮޓޯ:ޑީއެޗް

އިންޑިއާގެ ބޮޑުވަޒީރު ނަރެންދްރަ މޯދީ ސްރީލަންކާއަށް ވަޑައިގެންފިއެވެ.ކޮލޮމްބޯއަށާއި ލަންކާގެ ހުޅަނގު ޕްރޮވިންސަށްވެސް ވަރަށް ބޯކޮށް ވާރޭވެހި ވިއްސާރަވެފައިވަނިކޮށް، މިރޭ އިރުއޮއްސުނުފަހުން މޯދީ ކޮލޮމްބޯއަށް ވަޑައިގަތުމުން އެއަރޕޯޓުން މަރުޙަބާ ދެންނެވީ ސްރީލަންކާގެ ފޮރިން މިނިސްޓަރ ވިޖިތަ ހެރަތުއެވެ. މޯދީއަށް ރަސްމީކޮށް މަރުޙަބާ ދެންނެވުން އޮންނާނީ މާދަމާ ހެނދުނު ކޮލޮމްބޯގެ އިންޑިޕެންޑެންސް ސްކުއެއަރ ގައެވެ. މޯދީގެ މިދަތުރުފުޅުގައި ދެގައުމުގެ ދެމެދުގައި އެކިއެކި ދާއިރާތަކުން ގުޅުން ބަދަހިކުރުމާ ބެހޭ އެއްބަސްވުންތަކުގައި ސޮއުކުރާނެކަމަށް ސްރީލަންކާ ސަރުކާރުން ވަނީ ބުނެފައެވެ. އަދި އިންޑިއާ ސަރުކާރުގެ އެހީގައި ސްރީލަންކާގައި ހިންގާފައިވާ ބައެއް މަޝްރޫޢުތައް އިފްތިތާޙްކޮށްދެއްވުންވެސް އޮންނާނެއެވެ. ހަމައެއާއެކު ސްރީލަންކާގެ ރައީސް އަނޫރަކުމާރަ ޑިސަނަޔަކަ އާއެކު މޯދީ ރަސްމީ މަޝްވަރާތައްވެސް މާދަމާ ބާއްވަވާނެއެވެ. މި ބައްދަލުވުމުގައި ދެގައުމުގެ ސަރުކާރުގެ އިސްވެރިން ބައިވެރިވެވަޑައިގަންނަވާނެއެވެ.

މޯދީ ލަންކާއަށް ވަޑައިގަތީ 3 ދުވަހުގެ ރަސްމީ ދަތުރުފުޅެއްގައި، ރައީސް އަނޫރަކުމާރަ ޑިސަނަޔަކަގެ ދައުވަތަކަށެވެ. މިއީ އަނޫރާ ކުމާރަ ޑިސަނަޔަކަ މިދިޔަ އަހަރު ސްރީލަންކާގެ ރައީސްކަމާއި ހަވާލުވެވަޑައިގެންނެވުފަހުން އެމަނިކުފާނުގެ ދައުވަތަކަށް ބޭރު ގައުމެއްގެ ވެރިއަކު ސްރީލަންކާއަށް ކުރައްވާ ފުރަތަމަ ދަތުރުފުޅެވެ.

Advertisement

ކޮމެންޓް