މިނިވަން ދުވަހުގެ ރޭ 7:00 އިން 11:30 އަށް ޓެކްސީތަކަށާއި ޕްރައިވެޓް ކާރުތަކަށް އެއާޕޯޓަށް ނުވަދެވޭނެތީ އެކަމަށް ސަމާލު ވުމަށް ފުލުހުން އިލްތިމާސް ކޮށްފި އެވެ.
މިނިވަން ދުވަހުގެ ރޭ ބާއްވާ ހާއްސަ ރަސްމިއްޔާތެއްގައި ވެލާނާ އިންޓަނޭޝަނަލް އެއާޕޯޓްގެ އާ ޓާމިނަލް ހުޅުވަން ވަނީ ހަމަޖެހިފަ އެވެ.
ދިވެހި ފުލުހުންގެ ހިދުމަތުން މިއަދު ބުނީ ވީއައިއޭގެ އާ ޕަސެންޖާ ޓާމިނަލް ހުޅުވުމުގެ ރަސްމިއްޔާތަށް ޖުލައި 26 ވަނަ ދުވަހުގެ ރޭ 7:00 އިން 11:30 އަށް އެއާޕޯޓަށް ވަންނަ ޓެކްސީ އަދި ޕްރައިވެޓް ކާރުތައް އެއާޕޯޓް ޕޮލިސް ޕޯސްޓް ސަރަހައްދުން ޓްރެފިކަށް ބަންދު ކުރެވޭނެ ކަމަށެވެ.
އެކަމާއި ގުޅިގެން ދިމާވެދާނެ ދަތިތަކަށް ވަނީ މައާފަށް ވެސް އެދިފަ އެވެ.
ވީއައިއޭގެ އާ ޓާމިނަލް ހުޅުވަން ވަރަށް ކުލަ ގަދަ ރަސްމިއްޔާތެއް ބާއްވަން ވަނީ ހަމަޖެހިފަ އެވެ. އެ ރަސްމިއްޔާތުގައި އިންޑިއާގެ ބޮޑުވަޒީރު ނަރެންދުރަ މޯދީ ބައިވެރިވެވަޑައިގަންނަވާތީ ސަލާމަތީ ކަންކަން ވަރަށް ބޮޑަށް ވަރުގަދަ ކުރާނެ އެވެ.
Advertisement
This content is created and paid for by advertisers and does not involve Voice Journalists
