ލ.މާވަށުގައި ވަޅިއަކުން ހަމަލާދީ މީހަކު މަރާލައިފިއެވެ.
ފުލުހުން މީޑިއާއަށް ދިން މައުލޫމާތުގައި ބުނެފައިވަނީ ފުލުހުން ބުނީ، އެ ހާދިސާގައި މަރުވެފައިވަނީ އެރަށަށް ނިސްބަތްވާ ނަލަހިޔާގޭ އުމުރުން 29 އަހަރުގެ މޫސާ އިބްރާހީމް ކަމަށެވެ. މި ހާދިސާ ހިނގާފައިވަނީ މިއަދުގެ ހެނދުނުގެ ވަގުތެއްގައި އެރަށު ވޮލީކޯޓް ކައިރީގައެވެ.
މޫސަ ހޮސްޕިޓަލަށް ގެންދިޔައިރުވެސް މަރުވެފައިވާކަމަށް ފުލުހުން ވަނީ ބުނެފައެވެ. ވޮއިސްއަށް މައުލޫމާތު ހިސާކުރަމުން އެރަށުން ވާހަކަދެއްކި މީހަކު ބުނީ މޫސައަށް ހަމަލާދީފައިވަނީ ނޭނގިހުއްޓައި ކަރަށެވެ. އެގޮތުން އޭނާއަށް ހަމަލާދީފައިވަނީ ފަހަތުން ނޭނގޭ ގޮތަށްގޮސް ކަމަށެވެ.
މި ހަމަާދިން ކަމަށް ބެލެވޭ މީހަކީ އެހެން ރަށަކުން މާވަށަށް އައިސްހުރި މީހެއްކަމަށް މައުލޫމާތު ލިބެއެވެ. އަދި އެމީހުންނަކީ މަސްތުވާތަކެތީގެ ކަންކަމުގައި އުޅޭމީހުންކަމަށްވެސް އެރަށުން ވާހަކަދެއްކި ބައެއް މީހުން ފާހަގަކުރިއެވެ. މައުލޫމާތު ލިބިފައިވާ ގޮތުގައި ވަޅިން ހަމަލާދިން މީހާ މިހާރު ހުރީ ފުލުހުންގެ ބެލުމުގެ ދަށުގައެވެ.
ފުލުހުން އަންނަނީ މި މައްސަލަ މިހާރު ތަހްގީގްކުރަމުންނެވެ.
Advertisement
This content is created and paid for by advertisers and does not involve Voice Journalists
