ރައްޔިތުން މަޖިލީހުގެ 2023 ވަނަ އަހަރުގެ ހަރަދުތައް ކޮށްފައިވަނީ މާލިއްޔަތު ގަވާއިދާ އެއްގޮތަށްކަމަށް އޮޑިޓަރ ޖެނެރަލްގެ އޮފީހުން ބުނެފިއެވެ.
އޮޑިޓަރ ޖެނެރަލް ނެރުއްވާފައިވާ ރައްޔިތުން މަޖިލީހުގެ އިދާރާގެ 2023 ވަނަ އަހަރުގެ ކޮމްޕްލަޔަންސް އޮޑިޓްގައި ބުނެފައިވަނީ، ރައްޔިތުން މަޖިލީހުގެ އިދާރާގެ 2023 ވަނަ އަހަރުގެ ނިމުނު މާލީ އަހަރުގެ ފާސްކުރެވުނު ބަޖެޓާއި އެ ބަޖެޓުން ހޭދަކުރެވުނު ގޮތުގެ ބަޔާނުގައި ހިމަނާފައިވާ އަދަދުތަކާއި ޕަބްލިކް އެކައުންޓިން ސިސްޓަމުގައި ހުރި ރެކޯޑްތަކުގައި އުނިއިތުރުކަމެއް ހުރިކަމަށް ފާހަގަކުރެވިފައި ނުވާކަމަށެވެ.
އަދި މަޖިލީހުގެ 2023 ވަނަ އަހަރުގެ ބަޖެޓުން ހަރަދުތައް ކޮށްފައިވަނީ އެ އިދާރާއަށް ފާސްކޮށްދެއްވި ބަޖެޓްގައި ކަނޑައަޅާފައިވާ ކަންތައްތައް ބަޖެޓްގައި ކަނޑައަޅާފައިވާ މިންވަރަށް ދައުލަތޔެގ މާލިއްޔަތު ޤާނޫނާއި ގަވާއިދުތަކާ އެއްގޮތަށެވެ.
ރައްޔިތުްނގެ މަޖިލީހަށް އެއަހަރު 214.6 މިލިއަން ބަޖެޓެއް ފާސްކޮށްދެއްވިއިރު، ހަރަދުތައްކޮށްފައި 38.3 މިލިއަން ރުފިޔާ ބާކީވިއެވެ.
Advertisement
This content is created and paid for by advertisers and does not involve Voice Journalists
