ލަންކާއާއި އިންޑިއާ އަސްކަރީ ތަމްރީނުތައް ފަށައިފި
ސްރީލަންކާ އާއި އިންޑިއާއިން ގުޅިގެން އަސްކަރީ ތަމްރީނުތަކެއް އިންޑިއާގައި ފަށައިފިއެވެ.
މިއަދުން ފެށިގެން މިމަހުގެ 23 ގެ ނިޔަލަށް މި ތަމްރީނުތައް ކުރިއަށްދަނީ އިންޑިއާގެ ކަރްނާޓަކާ ސްޓޭޓްގެ ބެލަގާވީ ގައެވެ. މިތްރާ ޝަކްތީގެ ނަމުގައި ކުރިއަށްދާ މި ތަމްރީނަކީ އިންޑިއާއާއި ލަންކާގެ ސިފައިން ގުޅިގެން ކުރިއަށްދާ ގެންދާ ތަމްރީނުތަކުގެ 11 ވަނަ ބުރެވެ.
މި ތަމްރީނުތަކަކީ ދެޤައުމުގެ ސިފައިން ގުޅިގެން ހިންގަން ޖެހިދާނެ އޮޕަރޭޝަނަކަށް ތައްޔާރުވުމަށާއި، އެއް ޤައުމުގެ އުކުޅުތަކާއި ހުނަރުތައް އަނެއް ޤައުމުގެ ސައިންނާއި ޙިއްސާކޮށް، ދެޤައުމުގެ އަސްކަރީ ގުޅުން ބަދަހިކުރުމަށް ބޭއްވޭ ތަމްރީނުތަކެކެވެ. މި ތަމްރީނުތައް ބާއްވަނީ އެއް އަހަރު އިންޑިއާގައި، އަދި އަނެއް އަހަރު އިންޑިއާގައެވެ. މިދިޔަ އަހަރު ތަމްރީނުތައް އޮތީ ލަންކާގެ މަދުރު އޮޔާގައި ހުންނަ އާމީ ޓްރެއިނިންގ ސްކޫލްގައެވެ.
Advertisement
This content is created and paid for by advertisers and does not involve Voice Journalists
