ބައިނަލްއަޤްވާމީ ރަހުމަތްތެރިކަމުގެ މެޗެއްގައި ދިވެހިރާއްޖެއާ ފަލަސްތީނުގެ ޒުވާން ޤައުމީތީމް ބައްދަލުކުރާ މެޗްގެ ޓިކެޓް ވިއްކަން ފަށައިފިއެވެ.

އޭއެފްސީ އޭޝިއަން ކަޕުގެ ކޮލިފައިންގައި ވާދަކުރާ ފަލަސްތީނުގެ 17 އަހަރުން ދަށުގެ ޒުވާން ޤައުމީ ފުޓްބޯޅަ ޓީމު ރާއްޖެ އައިސްފައިވަނީ މިދިޔަ ހޯމަދުވަހެވެ. ފަލަސްތީނުގެ ޓީމް ކުރި މި ދަތުރުގައި ރާއްޖެއާ ދެކޮޅަށް ކުޅޭ ފުރަތަމަ މެޗް އޮންނާނީ މިރޭ 20:30 ގައެވެ. އެފްއޭމުން ބުނީ މެޗްގެ ޓިކެޓް ވިހާރު ވިއްކަމުންދާކަމަށެވެ.

ފަސޭހަކަމާއެކު ޓިކެޓް ލިބޭނޭ އިންތިޒާމް ހަމަޖެއްސުމުގެ ގޮތުން އެފްއޭއެމުން ވަނީ، މޯބައިލް ނަމްބަރު 7507006 އަށް ވައިބަރ ނުވަތަ ވަޓްއަޕަށް މެސެޖުކޮށްގެން ޓިކެޓް ގަނެވޭނޭ އިންތިޒާމު ހަމަޖައްސާފައެވެ.

ފަލަސްތީނުގެ ޒުވާންޓީމް ފަރިތަކުރުންތަކުގައި... ފޮޓޯ:އެފްއޭއެމް

މީގެ އިތުރުން ގަލޮޅު ދަނޑުން މިއަދު ހެނދުނު 9 އަކުން ފެށިގެން 12:00 އަށް އަދި މެންދުރުފަހު 14:00 އިން ފެށިެގން 18:00 އަށް ޓިކެޓް ވިއްކަމުންދާނެއެވެ. އެފްއޭއެމުން ވަނީ ފަލަސްތީނު ޓީމަށް އެހީތެރިވުމަށްޓަކައި މިމެޗްތަކަށް ހާއްސަ ސްވެނިއަރ ޓިކެޓްތަކެއް ވިއްކުމަށް ނިންމާފައެވެ. އެގޮތުން ސްވެނިއަރ ޕްލެޓިނަމް ޓިކެޓް 1000 ރުފިޔާއަށް ވިއްކުމަށް ނިންމާފައިވާއިރު، މީގެ ތެރޭގައި ހިމެނެނީ ވީވީއައިޕީ (ރޮސްޓްރަމް) ގެ 50 ޓިކެޓެވެ. މީގެ އިތުރުން ދެން ހިމެނެނީ 200 ސްވެނިއަރ ގޯލްޑް ޓިކެޓެވެ. މި ޓިކެޓްތައް ވިއްކުމަށް ނިންމާފައިވަނީ، 500 ރުފިޔާއަށެވެ.

ފަލަސްތީނުގެ ޒުވާންޓީމް ފަރިތަކުރުންތަކުގައި... ފޮޓޯ:އެފްއޭއެމް

އެފްއޭއެމުން ފަލަސްތީނުމެޗް ޓިކެޓް ވިއްކިނަމަވެސް ގަލޮޅުދަނޑަށް ކުޅިބަލަން ހިލޭ ވަނުމުގެ އިންތިޒާމުވެސް ވަނީ އާއްމުކޮށް ހުޅުވާލާފައެވެ. 

ފަލަސްތީނުގެ ޓީމް ރާއްޖެ އައިސްފައިމިވަނީ އޭޝިއަންކަޕް ކޮލިފައިންގައި އެޓީމް ކުޅެންޖެހޭ މެޗްގެ ކުރިން ތަމްރީނުތައް ހަދައި ރާއްޖޭގެ ޤައުމީޓީމާއެކު އެކުވެރިކަމުގެ މެޗްތަކެއް ކުޅުމަށެވެ. އޭއެފްސީ ކަޕް ކޮލިފައިން މެޗްތައް އޮންނާނީ މިމަހުގެ 22 އިން 30 އަށް ތައިލޭންޑްގެ ޗޮންބުރީގައެވެ.