އުރީދޫ މޯލްޑިވްސް އިން މި ރަމަޟާން މަހުގެ އުފާވެރިކަމުގައި ބައިވެރިވުމަށް ކަސްޓަމަރުންނަށާއި އާންމުންނަށް ސޯޝަލް މީޑިއާ ހަރަކާތެއް ފަށައިފިއވެެ

އުރީދޫއިން "ކަރާ މޯމަންޓް ހިއްސާކޮށްގެން އިނާމު ހޯދާ" މި ހަރަކާތް ކުރިއަށްގެންދަނީ ކަރާއާ ގުޅުންހުރި އުފެއްދުންތެރި ވަގުތުތައް ފޮޓޯ ނުވަތަ ވީޑިއޯ މެދުވެރިކޮށް ހިއްސާކޮށްގެން ކޮންމެ ހަފުތާއަކު ހޮވޭ ނަސީބުވެރިންނަށް އަގުހުރި އިނާމުތަކެއް ލިބޭ ގޮތަށެވެ.

މި ކެމްޕޭނުގައި ކަރާއާ ގުޅޭ ކޮންމެ ކަމެއްވެސް ހިއްސާކުރެވިދާނެއެވެ. އޭގެ ތެރޭގައި ކަރާ ތީމްގެ ފޯނު ކަވަރެއް، ގޭގައި ކަރާ ކާން ތިބޭ ވަގުތު ނުވަތަ އުރީދޫ ކަރާ ފެޅުން ގޭމް ކުޅޭ މަންޒަރު ހިމެނެއެވެ.

މި ކެމްޕޭނަކީ ރަމަޟާން މަހުގެ އުފާވެރި ވަގުތުތަކުގައި އާންމުންގެ މެދުގައި އޮންނަ ގުޅުން ބަދަހިކޮށް، އުފެއްދުންތެރިކަން އިތުރުކުރުމަށް ބާރުއަޅާ ހަރަކާތެކެވެ.

މި ހަރަކާތުގައި ބައިވެރިވުމަށްޓަކައި، ކަރާއާ ގުޅުންހުރި ފޮޓޯ ނުވަތަ ވީޑިއޯ ހޭޝްޓެގް ބޭނުންކޮށްގެން ސޯޝަލް މީޑިއާގައި ޕޯސްޓް ކުރަންޖެހެއެވެ. ހޭޝް ޓެގަކީ: #OoredooKaraaMoments އުރީދޫއިން ބުނީ ކޮންމެ ހަފުތާއަކު ހޮވޭ ނަސީބުވެރިންނަށް ސޯސަން ފިހާރައިގެ ގިފްޓް ޕެކްތަކެއް ލިބިގެންދާނޭކަމަށެވެ. ފުރަތަމަ ހަފްތާގެ ގުރުއަތުގައި ބައިވެރިވުމަށް 28 ފެބުރުއަރީ ގެ ރޭގަނޑު 11:59 ގެ ކުރިން ޕޯސްޓް ކުރަން ޖެހެއެވެ.

މި ކެމްޕޭނަކީ ރަމަޟާން މަހަށް ހާއްސަކޮށްގެން އުރީދޫ މޯލްޑިވްސް އިން ކުރިއަށްގެންދާ ހަރަކާތްތަކުގެ ތެރެއިން، ޑިޖިޓަލް ވަސީލަތްތައް މެދުވެރިކޮށް މުޖުތަމައުގެ މެދުގައި ގުޅުން ބަދަހިކޮށް، އުފާވެރިކަން ފެތުރުމަށް ކުރިއަށްގެންދާ ހަރަކާތެކެވެ. އުރީދޫ މޯލްޑިވްސް ބުނީ އެކުންފުނިން އެދެނީ ވީހާވެސް ގިނަ ބަޔަކު މި ހަރަކާތުގައި ބައިވެރިވެ، އުފެއްދުންތެރި ކަރާ މޯމަންޓްތައް ހިއްސާކޮށް އިނާމު ހޯދުމުގެ ފުރުސަތުގެ ބޭނުން ހިފުމަށެވެ.