ވެރިކަންކުރާ މައި ޕާޓީ، ޕީޕަލްސް ނެޝަނަލް ކޮންގްރެސް ޕާޓީ އެތެރޭގެ އިންތިހާބުގެ ވޯޓުލުން ފަށައިފިއެވެ.

ޕީއެންސީން މިއަދު ކުރިއަށްގެންދާ މި އިންތިހާބަކީ ސިޔާސީ ޕާޓީއަކުން މިހާތަނަށް ކުރިއަށްގެންދާ އެންމެ ވާދަވެރިކަން ބޮޑު އިންތިހާބުކަމަށް އެ ޕާޓީން ވަނީ ބުނެފައެވެ. އެގޮތުން މި އިންތިހާބުގައި ވާދަކުރުމަށް ކުރިމަތިލުމުގެ މުއްދަތު ހުސްވި ޖޫންމަހުގެ 30 ވަނަ ދުވަހުގެ ނިޔަލަށް ހަމަވިއިރު، އިންތިހާބުގައި ވާދަކުރުމަށް 2500 އަށްވުރެ ގިނަ ކަނޑިޑޭޓުން ވަނީ ކުރިމަތިލާފައެވެ.

އިންތިހާބުގެ މުއާމަލާތްތައް އެކަމަށް ހާއްސަކޮށްފައިވާ ޕޯޓަލް މެދުވެރިކޮށް ކުރިއަށްދާއިރު، އިންތިހާބު 131 ރަށުގެ ދާއިރާގައި ކުރިއަށްދާނޭކަމަށް ޕީއެންސީން ވަނީ ބުނެފައެވެ.

- ދާއިރާގެ ރައީސުން

- ދާއިރާގެ ނައިބުރައީސް

- އަންހެނުންގެ ހަރަކާތުގެ ރައީސުން

- ޒުވާނުންގެ ހަރަކާތުގެ ރައީސުން

- ސްޓިއަރިން ކޮމިޓީގެ މެންބަރުން

އިންތިހާބުގައި މާލެ ސަރަހައްދުގެ ފަސް ތަނެއްގައި ވޯޓުލުމަށް އިންތިޒާމްތައް ވަނީ ހަމަޖައްސާފައެވެ. 

ޕީއެންސީން މިއަދު ކުރިއަށްގެންދާ އެޕާޓީގެ އެތެރޭގެ އިންތިހާބު މިއަދު ހަވީރު 16:00 ޖެހުމާ ހަމަޔަށް ކުރިއަށްގެންދިއުމަށް ވަނީ ނިންމާފައެވެ.