ބާޒާރުގެ އަގުތައް އެއްތަނަކުން ފަސޭހައިން އެނގޭގޮތަށް އިކޮނޮމިކް މިނިސްޓްރީން ވުޖޫދަށް ގެނައި "އަގުމަގު" އެޕްލިކޭޝަން ލޯންޗުކޮށްފިއެވެ.
އަގުމަގު އެޕްލިކޭޝަނަކީ މާލޭ ބާޒާރުގެ އަގުތަކުގެ އިތުރުން އަތޮޅުތެރޭގައި ތަކެތީގެ އަގުތައް ފެންނަން ހުންނަގޮތަށް ހިމަނައިގެން ތައްޔާރުކޮށްފައިވާ އެޕްލިކޭޝަނެކެވެ. އިކޮނޮމިކް މިނިސްޓްރީން މީގެ ކުރިން އެންމެ ފުރަތަމަ ތައާަރފްކުރީ އަގުމަގު ޕޯޓަލެވެ. އެއީ 2025 ވަނަ އަހަރުގެ ރޯދަމަހަށް ހާއްސަކޮށެވެ. އޭރު ޕޯޓަލުން ފެންނަނީ ހަމައެކަނި މާލޭ ބާޒާރުގެ އަގުތަކެވެ.
އިކޮނޮމިކް މިނިސްޓްރީން ބުނީ މިހާރު އަގުމަގު އެޕްލިކޭޝަން އެޕްސްޓޯރުތަކުން ޑައުންލޯޑުކޮށް ބޭނުންކުރެވޭނޭ ކަމަށެވެ. އެގޮތުން މި އެޕްލިކެޝަން މެދުވެރިކޮށް އެންމެ ހެޔޮ އެގުގައި މުދާ ހުންނަ ފިހާރަތައް ދެނެގަނެ، ފަސޭހަކަމާއެކު ތަކެތީގެ އަގުތައް އަޅާކިޔައި، އަގުތަކަށް އަންނަ ބަދަލުތައް ބަލާލެވޭނޭކަމަށް މިނިސްތްރީން ބުންޏެވެ.
އިކޮނޮމިކް މިނިސްޓްރީން އަގުމަގު އެޕްލިކެޝަން ތައްޔާރުކޮށް ލޯންޗުކޮށްފައިމިވަނީ ރައްޔިތުންނަށް ފަސޭހަކޮސްދިނުމުގެ ގޮތުންނެވެ. އެގޮތުން މި އެޕްލިކޭޝަން މެދުވެރިކޮށް ފިހާރަތަކަށް ހިނގަން ނުޖެހި ގޭގައި ހުރެގެން ތަކެތީގެ އަގުތައް ބަލާލުމަށްފަހު ދާން ބޭނުންވާ ފިހާރަ ކަނޑައެޅިގެންދާނޭަކަމަށް މިނިސްޓްރީން ފާހަގަކުރިއެވެ. މިކަމުގެ ސަބަބުން ބާޒާރުކުރުމަށް ހޭދަކުރަންޖެހޭ ވަގުތުތައް ވަރަށްބޮޑުތަނުން ސަލާމަތްވެގެން ދާނޭކަމަށް މިނިސްޓްރީން ބުންޏެވެ.
މި އެޕްލިކެޝަނުގައި ހިމެނޭ ތަކެތީގެ އަގުތައް އަދާހަމަކުރުމަށް އިކޮނޮމިކް މިނިސްޓްރީ އާއި ވުޒާރާގެ އިންސްޕެކްޝަން ޓީމްތަކުން ކޮންމެ ހަފްތާއަކު ފިހާރަތަކަށާއި ބާޒާރުތަކަށްގޮސް މައުލޫމާތު އެއްކުރުމުގެ މަސައްކަތް ކުރާކަން ފާހަގަކޮށްލެވެއެވެ.
Advertisement
This content is created and paid for by advertisers and does not involve Voice Journalists
