މިރޭ ދިޔަވަރު ބޮޑުވާ ގަޑީގައި ބައެއް ރަށްތަކަށް އުދައިގެ އަސަރުކުރުން ވަރަށް ގާތްކަމަށް މޫސުމާ ބެހޭ ޤައުމީ އިދާރާއިން ބުނެފިއެވެ.
ހަވީރު ނެރުނު މޫސުމީ އެލާޓްގައި މެޓް އޮފީހުން ބުނެފައިވަނީ، މިރޭ ރާއްޖޭގެ އެކި ހިސާބުތަކަށް ވިއްސާރަކުރާނޭކަމަށެވެ. އަދި މީގެ ތެރެއިން ބައެއް ރަށްތަކަށް ބޯކޮށް ވާރޭވެހި ގުގުރުން އެކަށީގެންވާކަމަށެވެ. ވައިގެ ބާރުމިން އުޅޭނޭ މިންވަރެއްކަމަށް މެޓުން ބުނެފައިވަނީ، ދެކުނުގެ އަތޮޅުތަކަށް އިރު ދެކުނާއި ދެކުނުން ގަޑިއަކު 3 މޭލާއި 13 މޭލު ބާރުމިނެއްގައެވެ. އެހެން ހިސާބުތަކަށް 15 މޭލަށް އަދު ވިލާގަނޑުގައި ގަޑިއަކު 30 މޭލު ބާރުމިނުގައި ވައިޖެހޭނޭކަމަށް ވަނީ ލަފާކޮށްފައެވެ.
ކަނޑު އާދައިގެ ވަރަކަށް މަޑުވިނަމަވެސް ވިލާގަނޑުގައި ގަދަވާއިރު، ރާޅުގެ އުސްމިން ހުންނާނީ 2 ފޫޓާއި 5 ފޫޓާ ދެމެދުއެވެ.
ރާއްޖެއަށް މިހާރު ކުރަމުންދާ މޫސުމީ ވިއްސާރައާ ގުޅިގެން ފުލުހުން ވަނީ ކޮންމެހެން ކުރަންޖެހޭ ދަތުރުތައް ނޫން އެހެން ދަތުރުތައް ނުކުރުމަށް އިލްތިމާސްކޮށްފައެވެ. މީގެ އިތުރުން މޫސުމާބެހޭ އެންމެ ފަހުގެ މައުލޫމާތު ހޯދުމަށްފަހު ނޫނީ ކަނޑުމައްޗަށް ނޭރުމަށް ވަނީ އިލްތިމާސްކޮށްފައެވެ.
Advertisement
This content is created and paid for by advertisers and does not involve Voice Journalists
