މިއަދު އިރު އޮއްސުނުފަހުން ހުޅުމާލޭ ފޭސް ދޭއްގެ ވިނަރެސް ޓަވަރުތައް ހުންނަ ހިތިގަސްމަގުގައި ނުރައްކާތެރި އެކްސިޑެންޓެއް ހިނގައިފިއެވެ.
މި އެކްސިޑެންޓް ހިނގާފައިވަނީ ހިތިގަސްމަގުން ވިނަރެސް ތަވަރުތަކާ ދިމާލަށް ދާން އޮންނަ ފަޅީގައެވެ. މަންޒަރުދުށް ބައެއް ފަރާތްތަކުން ވޮއިސްއާ ވާހަކަދައްކަމުން ބުނީ އެކްސިޑެންޓް ހިނގާފައިވަނީ ދެ ސައިކަލް ޖެހިގެންކަމަސް ބެލެވޭ ކަމަށެވެ. މި އެކްސިޑެންޓްގައި އެކަކަށް އަނިޔާވެ އެމަޖެންސީގައިި އެމްބިއުލާންސް ގެނެސް ވަނީ ހޮސްޕިޓަލަށް ގެންގޮސްފައެވެ.
މިއަދުގެ އެކްސިޑެންޓްގެ ތެރެއިން.. ފޮޓޯ: ވޮއިސް
އެމީހާއަށް ލިބުނު އަނިޔާގެ ތަފްސީލެއް އަދި ސާފެއް ނުވެއެވެ. އެމީހާ ސްޓްރެޗަރުގައި އެމްބިއުލާންސަށް އެރުވިއިރުވެސް އޭނާގެ ހަރަކާތެއް ނެތްކަމަށް މަންޒަރުދުށް ފަރާތްތަކުން ވަނީ ބުނެފައެވެ.
ފާހަގަކޮށްލަންޖެހޭ ގޮތުގައި މި އެކްސިޑެންޓް ހިނގި ޕޮއިންޓަކީ މީގެ ކުރިންވެސް ވަރަށްގިނަ އެކްސިޑެންޓްތައް ހިނގާފައިވާ ސަރަހައްދެކެވެ.
Advertisement
This content is created and paid for by advertisers and does not involve Voice Journalists
