ސަޢޫދީ ޢަރަބިއްޔާއިން ހޫތީ ޑްރޯންއެއް ހުއްޓުވައި ވައްޓައިލި ކަމަށް ބުނުމާ ގުޅިގެން މާތް ވެގެންވާ މައްކާއަށް އަމާޒުކޮށް ޑްރޯންއެއް ފޮނުވި ކަމުގެ ތުހުމަތު ހޫތީ ޖަމާޢަތުން ދޮގުކޮށްފިއެވެ.
ހޫތީންގެ ސިޔާސީ ބިއުރޯގެ މެންބަރު ޙިޒާމް އަލް އަސަދު ވަނީ ރިޔާޛުން ކުރާ ތުހުމަތު ސިފަކޮށްފައިވަނީ ބޮޑު ދޮގެއް ކަމުގައެވެ. މައްކާގެ ވައިގެ ސަރަޙައްދާ ދިމާއަށް ހޫތީންގެ ޑްރޯންއެއް ދަތުރުކުރި ކަމަށް ސަޢޫދީން ބުނެފައިވެއެވެ.
"މާތް ވެގެންވާ މައްކާއަށް އަމާޒުކުރި ކަމުގެ ދަޢުވާއަކީ ކުރިންވެސް ދައްކާފައިވާ މިހާރު އެއްވެސް މީހަކު ނުހެއްލޭ ފަދަ ދޮގެއް" ކަމަށް އަލް އަސަދު ބުނެފައިވެއެވެ.
ސަޢޫދީ ޢަރަބިއްޔާއިން މި ޙާދިސާ ސިފަކޮށްފައިވަނީ ޓެރަރިޒަމްގެ ޢަމަލެއްގެ ގޮތުގައެވެ. އެ ޤައުމުން ބުނީ މައްކާއަށް އަމާޒުކުރި މިއީ ދެވަނަ ފަހަރު ކަމަށެވެ. ފުރަތަމަ ފަހަރު ބެލިސްޓިކް މިސައިލަކުން 2017 ވަނަ އަހަރުގެ ޖުލައި 27 ގައި މައްކާއަށް ހަމަލާ ދޭން މަސައްކަތްކުރި ކަމަށް ސަޢޫދީން ބުނެފައިވެއެވެ.
މި މައްސަލައިގައި ދެ ފަރާތުގެ ދެމެދުގައި ބަހުގެ ހޫނު ޙަމަލާތައް އިތުރުވަމުން އަންނައިރު ދެ ފަރާތުންވެސް ތުހުމަތުތައް ދޮގުކޮށް ދަނީ ރައްދު ދެމުންނެވެ.
Advertisement
This content is created and paid for by advertisers and does not involve Voice Journalists
