ހުުޅުމާލޭގެ ބިމަކީ މާލޭގެ ރައްޔިތުންގެ ހައްގެއް: ބޮންޑޭ
ހުޅުމާލޭގެ ބިމަކީ މާލޭގެ ރައްޔިތުންގެ ހައްގެއްކަމަށް ރައްޔިތުންގެ މަޖިލީހުގެ މާފަންނު މެދު ދާއިރާގެ މެންބަރު އިބްރާހިމް ރަޝީދު (ބޮންޑޭ) ވިދާޅުވެއްޖެއެވެ.
އެބޭފުޅާ މިހެން ވިދާޅުވީ މިއަދުގެ ރައްޔިތުންގެ މަޖިލީހުގެ ޖަލްސާއަށް ހުށައެޅުނު ލާމަރުކަޒީ ނިޒާމުގެ ގަރާރަށް ބަހުސް ކުރައްވަމުންނެވެ.
މެންބަރު ބޮންޑޭ ވިދާޅުވީ މާާފަންނު މެދު ދާއިރާއަކީ ގެދޮރުގެ ދަތިކަން އިންތިހާއަށް ކުރިމަތިވެފައިވާ ދާއިރާއެއްކަމަށާއި 50-60އަަހަރު ވަންދެން އެއް ގެެޔެއްގައި އުޅެމުންދާ ފަރާތްތައް އެބަތިބިކަމަށެވެ. އަދި އެފަރާތްތަކުގެ ދަރިންގެ މުސްތަގްބަލު ބުނެދޭންވެސް ނޭނގޭކަމަށް އެބޭފުޅާ ވިދާޅުވިއެވެ.
ބޮންޑޭ ވިދާޅުވީ ހުޅުމާލެއިން ބިން ދެވެން ނެތްކަމަށް ބައެއް މިނިސްޓަރުން ވިދާޅުވި ކަމުގައިވިޔަސް، އެތަނުން ބިން އަތުލާނެކަމަށާއި ހުޅުމާލޭގެ ބިމަކީ މާާލޭގެ ރައްޔިތުންނަށް ހައްގުވާ އެއްޗެއްކަމަށެވެ.
އެބޭފުޅާ އިތުރަށް ވިދާޅުވީ އެބޭފުޅާ މަޖިލީހަށް ހޮވިވަޑައިގެންނެވީ ދާއިރާގެ ރައްޔިތުންނަށް ހުޅުމާލެއިން ގޯތި ދޭނެކަމަށް ވައުދުވެ ވަޑައިގަތުމުންނެވެ.
ބޮންޑޭގެ ވާހަަކަތަކަށް މަޖިލީހުގެ ބައެއް މެންބަރުން ވަނީ ހޫނު ރައްދެއް ދެއްވާފައެވެ.
Advertisement
This content is created and paid for by advertisers and does not involve Voice Journalists