ކުރީގެ ރައީސް އަބްދުﷲ ޔާމީން އަބްދުލްގައްޔޫމު ވިދާޅުވެގެން ބެންކު ރޭޓުން (15.42) ރުފިޔާގެ ރޭޓުން އެއް މިލިއަން ޑޮލަރު ހޯއްދަވާދެއްވުމުގައި މެދުވެރިއެއްގެ ރޯލު އަދާކުރެއްވިކަމަށް މަޖިލީހުގެ ހޯރަފުށީ ދާއިރާގެ ކުރީގެ މެމްބަރު މުހައްމަދު އިސްމާއިލް ވިދާޅުވެއްޖެއެވެ.

ވ. އާރަށުގެ މުއާމަލާތާއި ގުޅިގެން ކުރީގެ ރައީސް އަބްދުﷲ ޔާމިން އަބްދުލްގައްޔޫމުގެ މައްޗަށް އުފުލާފައިވާ ދައުވާތަކާއި ގުޅޭ ޝަރީއަތުގެ އަޑުއެހުމެއް ހޮނިހިރު ދުވަހަށް ތާވަލުކޮށްފިއެވެ.

ޔޫސުފު ނައީމުގެ އަތުން ޑޮލަރު ބައްލަވައިގަތުމަށް ކުރީގެ ރައީސް އަބްދުﷲ ޔާމީން އަބްދުލްގައްޔޫމު ދެއްވި ފައިސާ ގެންގޮސްދީފައިވާނެކަމަށް ވ. އާރަށު މައްސަލައިގައި މިއަދު ކުރިއަށް ދިޔަ އަޑުއެހުމުގައި ދިފާއުގެ ފަރާތުން ހެކިބަސް ދެއްވަމުން މާލޭ ސިޓީގެ ޑެޕިއުޓީ މޭޔަރު އަހުމަދު ނަރީޝް ވިދާޅުވެއްޖެއެވެ.

ހެކިންނަށް ފުރައްސާރަ ނުކުރުމަށާއި، ޝަރީއަތުގެ މަޖިލީހުގައި ހީ ސަކަރާތް ނުޖެހުމަށް ދައުލަތުގެ ވަކީލުންނަށް ކްރިމިނަލް ކޯޓުގެ އިސް ޣާޒީ އަހުމަދު ޝަކީލު ނަސޭހަތްތެރިވެއްޖެއެވެ.

ވ.އާރަށް ކުށްޔަށް ދޫކުރުމުގެ މުއާމަލާތާއި ގުޅިގެން އިދިކޮޅު ސިޔާސީ ލީޑަރު ރައީސް ޔާމީން އަބްދުލްގައްޔޫމުގެ މައްޗަށް ރިޝްވަތު ގަބޫލުކުރިކަމާއި، މަނީ ލޯންޑަރކުރިކަމުގެ ދައުވާ ދައުލަތުން ވަނީ އުފުލާފައެވެ. އެމަނިކުފާނު އެކަމަށް އިންކާރުކުރައްވައެވެ. އަނެއްކޮޅުން އެ މުއާމަލާތާއި ގުޅިގެން ރިޝްވަތު ދިންކަމަށް ދައުލަތުން ދައުވާ އުފުލާފައިވާ ފަރާތްކަމަށްވާ ޔޫސުފު ނައީމު ވަނީ އެކަމަށް އިންކާރުކޮށްފައެވެ.