އެއްވެސް ހާލެއްގައި އެއްވެސް މީހަކު ޖަލަށް ލައިގެން، އެއީ މާމޮޅު ކަމަކަށް ހަދައިގެން އެއްވެސް އިރަކު ނޫޅުއްވާ ކަމަށާ އަދި ޖަލަކީ އެއްގޮަތަކަށްވެސް ދާން ބޭނުންވާ ތަނެއް ނޫން ކަމަށް ކުރީގެ ރައީސް، އަދި ރައްޔިތުންގެ މަޖިލީހުގެ ރައީސް މުހައްމަދު ނަޝީދު ވިދާޅުވެއްޖެއެވެ.

ޕީޕީއެމްގެ ރިޔާސީ ކެންޑިޑޭޓް ރައީސް ޔާމީން އަބްދުލްގައްޔޫމު ޖަލަށް ލުމަކީ ދެވަނަ ދައުރެއް ހޯއްދެވުމަށް ރައީސުލްޖުމްހޫރިއްޔާ އިބްރާހިމް މުހައްމަދު ސޯލިހު ކޮށި މަގެއްކަމަށް އިދިކޮޅުން ބުނެފިއެވެ.

ވ. އާރަށު މައްސަލާގައި އިދިކޮޅު އިއްތިހާދުގެ ލީޑަރު ރައީސް ޔާމީނުގެ މައްޗަށް ކުރި 2 ދައުވާ ސާބިތުވާކަމަށް ކަނޑައަޅައި އެމަނިކުފާނު 11 އަހަރަށް ޖަލަށްލާފައިވާތީ އެމަނިކުފާނު މިނިވަންކުރަން ގޮވައިލާ މިއަދު ބޭއްވި ސުލްޙަވެރި އިހްތިޖާޖް އަމާން ކަމާއި އެކުގައި ނިންމާލައިފި އެވެ.

ކުރީގެ ރައީސް އަދި އިދިކޮޅު ކޯލިޝަންގެ ރިޔާސީ ކެންޑިޑޭޓް ރައީސް ޔާމީން އަބްދުލްގައްޔޫމް މިނިވަންކުރުމަށް ގޮވާލާ އިދިކޮޅުން މާދަމާ ކުރިއަށް ގެންދާ އިހްތިޖާޖް ކުރިއަށް ގެންދާނީ ފުލުހުންގެ ޗާޓާއި އެއްގޮތަށް ކަމަށް އެ ކޯލިޝަނުން ބުނެފިއެވެ.

އިދިކޮޅު ކޯލިޝަންގެ އިސް ސަފުގައި ތިބި ފަރާތްތައް އަރާމުގައި ތިބެގެނެއް، އެ ކޯލިޝަންގެ ރިޔާސީ ކެންޑިޑޭޓް ރައީސް ޔާމީން އަބްދުލްގައްޔޫމް މިނިވަންކުރުމަށް ކުރާ މަސައްކަތުގައި އެދެވޭ ނަތީޖާއެއް ނުނެރެވޭނެ ކަމަށް މާލެ ސިޓީ ކައުންސިލްގެ ރައީސް، އަދި ޕީޕީއެމްގެ ނައިބު ރައީސް ޑރ. މުހައްމަދު މުއިއްޒު ވިދާޅުވެއްޖެއެވެ.

އިދިކޮޅު ޕީޕީއެމް-ޕީއެންސީގެ ކޯލިޝަނުގެ ރިޔާސީ ކެންޑިޑޭޓް، ރައީސް ޔާމީން އަބްދުލްޤައްޔޫމު ޖަލުން މިނިވަންކޮށް އަލުން ވެރިކަމަށް ގެނައުމަށް އެ ކޯލިޝަނުގެ ސެނެޓުން ފާސްކުރައްވައިފިއެވެ.

ވ.އާރަށް ކުއްޔަށް ދިނުމުގެ މުއާމަލާތާ ގުޅިގެން ދައުލަތުން އިދިކޮޅު އިއްތިހާދުގެ ރިޔާސީ ކެންޑިޑޭޓް ރައީސް ޔާމީނުގެ މައްޗަށް ކުރި 2 ދައުވާ ސާބިތުވާކަމަށް ކަނޑައަޅައި އެމަނިކުފާނު 11 އަހަރަށް ޖަލަށްލުމަށް ކުރި ހުކުމަކީ ހަރާމް ހުކުމެއް ކަމަށް ބުނެ އެމަނިކުފާނު މިނިވަންކުރަން ގޮވައިލާ މުޅި ރާއްޖޭގައި އިހުތިޖާޖުކުރަން އިދިކޮޅު އިއްތިހާދުން ނިންމައިފިއެވެ.

ކުރީގެ ރައީސުލްޖުމްހޫރިއްޔާ އަދި އިދިކޮޅު އިއްތިހާދުގެ ލީޑަރު ޔާމީން އަބްދުލްޤައްޔޫމް ޖަލުގައި ހުންނެވި ނަމަވެސް އެމަނިކުފާނުގެ ރިޔާސީ ކެމްޕޭނު ކުރިއަށް ދާނެ ކަމަށް އިދިކޮޅު އިއްތިހާދުން ބުނެފިއެވެ.