ހުޅުމާލޭގެ ތިން ވަނަ ފިޔަވަހީގައި ހަދާފައިވާ ރޯހައުސް ފްލެޓުތަކަށް އޮންލައިންކޮށް އެދެވޭނެކަމަށް ބުނެ 969 ނަންބަރުން ފޮނުވަނުން ދަނީ ސްކޭމް މެސެޖުތަކެއްކަމަށް މޯލްޑިވްސް ޕޮލިސް ސަރވިސްއިން ބުނެފިއެވެ. 

ފުލުހުންގެ އިދާރާއިން ބުނީ ހުޅުމާލެ ފޭސް 3 ގެ ބޯހިޔާވަހިކަމުގެ ދަށުން ކުރިއަށްގެންދާ ރޯވ ހައުސް ފުލެޓް ތަކަށް އޮންލައިންކޮށް އެދުމަށާއި ގުރުއަތުގައި ބައިވެރިވުމަށް ރަޖިސްޓަރ ކުރުމަށް ބޭނުންނަމަަ ނަމާއި، އެޑްރެސް، އައިޑީ ކާޑު ނަމްބަރ، އުމުރު އަދި ގުޅޭނެ ފޯނު ނަމްބަރ ޖެހުމަށްފަހު މެސެޖު ކުރުމަށާ އަދި ރަޖިސްޓަރކުރުމަށްފަހު ލިބިފައިވާ ތަރުތީބު ނަމްބަރ 969 ގެ ނަމްބަރަކުން މެސެޖު ކުރާނެ ކަމަށްބުނެ، މަކަރާއި ހީލަތުގެ މެސެޖުތަކެއް ފޮނުވަމުންދާކަން އެ އިދާރާއަށް ފާހަގަކުރެވިފައިވާ ކަމަށެވެ. 

އެ މެޖުތަކަކީ ސްކޭމް މެސެޖުތަކެއް ކަމަށާއި، އެފަދަ މެސެޖުތަކަށް ސަމާލުވުމަށް އެ އިދާރާއިން ވަނީ އަންގާފައެވެ. 

Advertisement

މިފަދަ ސްކޭމް މެސެކުތަކުގެ ޒަރިއްޔާއިން ބޭންކް އެކައުންޓުގެ މައުލޫމާތުތައް ހޯދައި މީހުންގެ އެކައުންޓުގައި ހުންނަ ލާރި ގެނުންފަދަ ބޮޑެތި މައްސަލަތަކެއް ފެންމަތިވަމުންދާކަން ފާހަގަކޮށްލެވެއެވެ. 

އަދި މިފަދަ ސްކޭމްތަކުގެ ތެރެއިން ގެއްލުން ލިބޭ ފަރާތްތަކަށް އަނބުރާ ބަދަލު ލިބޭނެ ގޮތެއްވެސް ނޯންނާތީ އެފަދަ ކަންކަމަށް ސަމާލުވުމަށް ކަމާގުޅުން ހުރި އިދާރާތަކުން ގެންދަނީ އިލްތިމާސްކުރަމުންނެވެ.