ހުޅުމާލެއިން މީހަކު ގެއްލިގެން އެމީހާ ހޯދުމުގެ މަސައްކަތް ފުލުހުން ފަށައިފިއެވެ. 

ހުޅުމާލެއިން ގެއްލިގެން ފުލުހުން ހޯދަމުންދަނީ ހއ. ދިއްދޫ / ގުލްފާމްގެ، އިސްމާއީލް މާހިރު (50އ) އެވެ. 

އޭނާ ހުޅުމާލޭގައި ދިރިއުޅެނީ (ސްޓެލްކޯ ޓަވަރު، ހުޅުމާލެ ފޭސް 2) ގައެވެ. 

ފުލުހުން ބުނީ އާއިލާއަށް ޚަބަރެއްނުވެ މާހިރު ގެއްލިފައިވާ ކަމަށް ސެޕްޓެމްބަރ 16 ވަނަ ދުވަހު ދަންވަރު 1:08 އެހައިކަންހާއިރު ރިޕޯޓުކޮށްފައިވާތީ އޭނާ ހޯދުމުގެ މަސައްކަތް ފުލުހުން ކުރަމުންދާ ކަމަށެވެ. 

އިއްޔެ ހުކުރަށްދާން ގެއިން ނުކުތް ފަހުން މާހިރުގެ ޚަބަރެއް ނުވާކަމަށާއި އޭރު ލައިގެންހުރީ މާޖެހި ހުދުކުލައިގެ ގަމީހަކާއި ނޫކުލައިގެ ޖީންސެއްކަމަށް އޭނާގެ އާއިލާ އާއި ހަވާލާދީ ފުލުހުން ބުނެފައިވެއެވެ. 

‏އިސްމާއީލް މާހިރުގެ އެއްވެސް މައުލޫމާތެއް ލިބިފައިވާނަމަ ފުލުހުންގެ ހޮޓްލައިން 3322111 އަށް ނުވަތަ ހުޅުމާލެ ފޭސް 2 ޕޮލިސް ސްޓޭޝަންގެ ނަމްބަރު 9393351 އަށް ގުޅުއްވައި ހިއްސާކުރުމަށް ފުލުހުން އެދެއެވެ.