ހިފެހެއްޓުމެއްނެތް ދުލަކީ ޝައިޠާނާގެ އަތަށް ދޫކޮށްލެވޭ ވައުގަނޑެއް ކަމަށް ބުނެ، ހެޔޮ ބަހެއް ނޫނީ ނުބުނުމަށް މިއަދުގެ ހުކުރު ޚުތުބާގައި ނަޞޭހަތްތެރި ވެއްޖެއެވެ.

ދަރީންނަށް ޚަރަދުނުދީ ފިލައިގެން އުޅޭ މީހުންގެ އަދަދު އިތުރުވަމުންދާކަމަށާ، މިފަދަ ޢަމަލުތަކާ ގުޅޭގޮތުން ޤިޔާމަތް ދުވަހު ސުވާލުކުރެވޭނެކަމަށް މިއަދުގެ ޚުތުބާގައި ހަނދާންކޮށްދީފިއެވެ.

މިއަދު ބައެއް ޤައުމުތަކުގައި ޖުވާގެ ނަން ބޭނުންނުކޮށް ރީތި ނަންނަމުގައި އެކަން ފަތުރަމުންދާ ކަމަށާ، އެފަދައިން އިބިލީހުގެ އަނދަވަޅުތައް ކޮންނަމުންދަނީ މުސްލިމުންގެ ދީނީ ޝިޢާރުތަކާ ދުރުހެލިކޮށް ޝައިޠާނާގެ އެކުވެރީންނަށް ހެދުމަށް ޓަކައި ކަމަށް މިއަދުގެ ޚުތުބާގައި ބުނެފިއެވެ.

ޒިނޭ ކުރުމަށް ހުއްދަ ދެއްވުމަށް އެދި ރަސޫލާ ޞޢވ ގެ އަރިހަށް އައި، މީހަކަށް ރަސޫލާ ސޢވ ދެއްވި ފުރިހަމަ ޖަވާބާއެކު ޒިނޭގެ ހަޑި ހުތުރު ކަމާއި ނުބައި ކަމުގެ މައްޗަށް މިއަދުގެ ޚުތުބާގައި އަލިއަޅުވާލައިފިއެވެ.

ބައެއް މީހުން ޒިނޭއަށް އަރައިގަތުމުގެ މަޤުޞަދުގައި ދަތުރު ހަދައިގެން އެހެން ޤައުމުތަކަށް ވެސް ގޮސްއުޅޭ ކަމަށާ އެހެން ނަމަވެސް އޭނާއަށް އެ ދަތުރުން އެނބުރި އާދެވޭނެކަމުގެ އެއްވެސް ޔަޤީންކަމެއް އެބަ އޮތްތޯ މިއަދުގެ ޚުތުބާގައި ސުވާލު ކޮށްފިއެވެ.

ދެމަފިރީން ދަރީންކުރިމަތީ ޒުވާބުކުރުމާއި، ޖަދަލުކުރުމުގެ ސަބަބުން ދަރީންނަށް ނަފްސާނީގޮތުން އަނިޔާލިބި، އެ ކުދީންގެ މެދުގައި އަނިޔާވެރިވުމަށް މަގުފަހިވާ ކަމަށް މިއަދުގެ ޚުތުބާގައި ބުނެފިއެވެ.

ތިމާއާއި ހަވާލުވެފައިވާ މަސްއޫލިއްޔަތު އަދާކުރުމުގައި އިހުމާލުވެއްޖެ ނަމަ، ޤިޔާމަތް ދުވަހުން އެ ކަމުގެ ޒިންމާ އުފުލަންޖެހޭނެ ކަމަށް މިއަދުގެ ޚުތުބާގައި ބުނެފިއެވެ.

الله ސުބުޙާނަހޫވަތަޢާލާގެ ޙަޟްރަތުގައި ލޮބުވެތި އަޅަކަށް ވާން ބޭނުން މީހާގެ ޢަމަލުތައް ގުރުއާނާއި ރަސޫލާގެ ސުންނަތުގެ އަލީގައި، މިއަދުގެ ހުކުރު ޚުތުބާގައި ކިޔައިދީފިއެވެ.