އައްޑޫ ސިޓީގެ ގުޅިފައިވާ ރަށްތަކަށް ފެނުގެ ޚިދުމަތް ފޯރުކޮށްދިނުމަށް ޤާއިމްކޮށްފައިވާ އާރޯޕްލާންޓުގެ ވީއެފްޑީ ޑްރައިވްގައި މައްސަލަ ޖެހުނު މައިގަނޑު ސަބަބަކީ މަރާމާތު ކުރުމާއި ބެލެހެއްޓުން ކުރިއަށް ގެންދަންވީ ގޮތާއި ގުޅޭގޮތުން އިދާރާތަކުން އަންގާފައިވާ ގޮތަށް ފެނަކައިގެ ކުރީގެ މެނޭޖުމެންޓުން އެ މަސައްކަތްތައް ކޮށްފައި ނުވާތީ ކަމަށް ފެނަކަ ކޯޕަރޭޝަންގެ މެނޭޖިން ޑިރެކްޓަރު މުއާޒު މުހައްމަދު ރަޝީދު ވިދާޅުވެއްޖެ އެވެ.

އައްޑޫ ސިޓީގައި ބަހައްޓާފައިވާ އާރުއޯ ޕްލާންޓުގެ ވީއެފްޑީ ޑްރައިވަށް ދިމާވި މައްސަލައަކާއި ގުޅިގެން އައްޑޫ ސިޓީގެ ގުޅިފައިވާ ރަށްތަކުން ފެން ކެނޑިފައިވާއިރު، އެ މައްސަލަ މުޅިން ހައްލުކޮށް އެންމެ ލަސްވެގެން މިރޭ އެ ސިޓީއަށް ފެނުގެ ޚިދުމަތް ފޯރުކޮށްދޭން ފެށޭނެކަމަށް ފެނަކަ ކޯޕަރޭޝަންގެ މެނޭޖިން ޑިރެކްޓާ މުއާޒް މުހައްމަދު ރަޝީދު ވިދާޅުވެއްޖެ އެވެ.