ރައްޔިތުންގެ މަޖިލީހުގެ ރައީސް މުހައްމަދު އަސްލަމަށް ހިތަދޫ އުތުރު ދާއިރާގެ ގޮނޑި ގެއްލިއްޖެ އެވެ. މިއަދު ކުރިއަށްދިޔަ ރައްޔިތުންގެ މަޖިލީހުގެ 20 ވަނަ އިންތިޚާބުގައި ހިތަދޫ އުތުރު ދާއިރާއަށް ހަތް ކެންޑިޑޭޓުން ވާދަކުރެއްވި އިރު ވަގުތީ ނަތީޖާ ދައްކާ ގޮތުން މި ދާއިރާގެ ގޮނޑި ކާމިޔާބު ކުރެއްވީ ވެރިކަންކުރާ ޕީއެންސީގެ ކެންޑިޑޭޓް މުހައްމަދު ސިނާން (ސިނާ) އެވެ.

ރައްޔިތުންގެ މަޖިލިހުގެ 20 ވަނަ އިންތިޚާބުގައި ވިލިމާލެ ދާއިރާގެ ގޮނޑި މުޙައްމަދު އިސްމާޢީލް ކާމިޔާބު ކުރައްވައިފިއެވެ. ޕީޕީއެމް/ޕީއެންސީގެ ކެނޑިޑޭޓު މުޙައްމަދު އިސްމާއީލް މި ގޮނޑި ކާމިޔާބު ކުރައްވާފައިވަނީ ބޮޑު ތަފާތަކުންނެވެ.

މިއަދު ރާއްޖެގައި ބޭއްވިގެން ދިޔަ ރައްޔިތުންގެ މަޖިލީހުގެ އިންތީޚާބުގައި އިދިކޮޅު އެމްޑީޕީއާއި އެޕާޓީގެ އަނެއް ބައިވެރިޔާ ޑިމޮކްރެޓްސްއަށް ގުޑުންއަރައި އެދެޕާޓީގެ މޭގަނޑުބ އުފުރިގެން ހިގައްޖެއެވެ. އެންމެ ބޮޑު ނާކާމިޔާބަކީ އެމްޑީޕީގެ މޫނުމަތިކަމުގައިވާ ރައްޔިތުންގެ މަޖިލީހުގެ ރައީސްގެ ގޮނޑީގައި އިންނެވި އަސްލަމަށް އެދާއިރާގެ ރައްޔިތުން ނޫނެކޭ ބުނުމެވެ.

ރާއްޖޭގެ މެޖޯރިޓީ ރައީސް މުޢިއްޒުއާއެކު، މަޖިލިސް މެޖޯރިޓީ ސަރުކާރަށް

ނިލަންދޫ ދާއިރާގެ ގޮނޑި ސައުދާ ކާމިޔާބު ކުރައްވައިފި

ރ.އަތޮޅު އިނގުރައިދޫ ދާއިރާގެ ގޮނޑި، އިބްރާހިމް ފަލާހް ކާމިޔާބުކުރައްވައިފިއެވެ. އިނގުރައިދޫ ދާއިރާގެ ގޮނޑި ވެރިކަން ކުރާ ޕީއެންސީގެ ކެނޑިޑޭޓު އިބްރާހީމް ފަލާހް ކާމިޔާބުކުރައްވާފައިވަނީ، ވަގުތީ ނަތީޖާ ދައްކާގޮތުން ތަފާތުބޮޑު ނަތީޖާއަކުންނެވެ. މިހާތަނަށް ގުނައި ނިމުނު ވޯޓު ފޮށިތަކުގެ ނަތީޖާ ދައްކާގޮތުން، ފަލާހް ވަނީ އިންނަމާދޫ، ރަސްމާދޫ އަދި އިނގުރައިދޫ ފޮށިންވެސް ގިނަ ވޯޓުތަކެއް ހޯއްދަވާފައެވެ.

ރައްޔިތުންގެ މަޖިލީހުގެ އިންތިޚާބުގެ ވަގުތީ ނަތީޖާ ދައްކާ ގޮތުގައި، ނިލަންދޫ ދާއިރާގެ ގިނަ ފޮށިތަކުން ކުރީގައި އުޅެނީ ޕީއެންސީގެ ފަރައިތުން ވާދަކުރައްވާ ކެންޑިޑޭޓް ފާތިމަތު ސައުދާ އެވެ.

ރައްޔިތުންގެ މަޖިލިހުގެ 20 ވަނަ އިންތިޚާބުގައި ހިތަދޫ މެދު ދާއިރާގެ ގޮނޑި އަހުމަދު އަޒާން ކާމިޔާބު ކުރައްވައިފިއެވެ. ވެރިކަން ކުރާ ޕީއެންސީގެ ކެންޑިޑޭޓު އަދި ނޫސްވެރިޔާ އަހުމަދު އަޒާން ހިތަދޫ މެދު ދާއިރާގެ ގޮނޑި ކާމިޔާބު ކުރައްވާފައިވަނީ މައުލޫމާތު ލިބޭ ގޮތުގަިއ ހުރިހާ ފޮށްޓަކުންވެސް ކުރި ހޯދައްވައިގެންނެވެ.