ރައީސުލްޖުމްހޫރިއްޔާ އިބްރާހީމް މުހައްމަދު ޞާލިހުގެ ސަރުކާރުން މަސްވެރިންނަށް ވެފައިވާ ހަމައަގުގެ ވައުދު ދައުރުގެ މިހާތަނަށް އައި އިރުވެސް ފުއްދިފައި ނުވާއިރު، ބޮޑު ކަންނެލީގެ މަސްވެރިކަން އިންތިހާއަށް ދަށަށް ގޮސް ނެތި ހިނގައިދާނެ ކަމުގެ ބިރު ހީވެފައިވާކަމަަށް ބޮޑު ކަންނެލީގެ މަސްވެރިކަން ހިމާޔަތްކޮށް ކުރިއެރުވުމަށް އުފައްދާފައިވާ ޖަމިއްޔާއެއް ކަމަށްވާ ބޮޑު ކަންނެލި މަސްވެރިންގެ ޔޫނިއަން (ބީކޭއެމްޔޫ) އިން ބުނެފިއެވެ.

ސަރުކާރުން އިހުމާލުވަނީ ހަމައެކަނި ކަޅުބިލަމަހުގެ މަސްވެރިންނަށް އެކަނި ނޫންކަމަށާއި، ކަންނެލި މަސްވެރިންނަށް ސަރުކާރުގެ އަޅާލުން އެއްވެސް ވަރަކަށް ނުލިބޭކަމަށް ރައްޔިތުންގެ މަޖިލީހުގެ ނައިފަރު ދާއިރާގެ މެމްބަރު އަހުމަދު ޝިޔާމު ވިދާޅުވެއްޖެއެވެ.