އީރާނުގެ ރައީސް ދަތުރު ކުރެއްވި ހެލިކޮޕްޓަރު ހޯދުމަށް އީރާނުގެ ޒަމާނީ ޑްރޯންތައް ވެސް މޫސުން ގޯސްވުމުގެ ސަބަބުން އޮޕަރޭޓް ނުކުރެވޭ ކަމަށް އަލްޖަޒީރާއިން ރިޕޯޓްކޮށްފިއެވެ.

އިރާނުގެ ޤާނޫނު އަސާސީގައި ބުނެފައި ވާގޮތުން ކުއްލި ޙާލަތެއްގައި އެ ޤައުމުގެ ރައީސް އަވަހާރަ ވެއްޖެ ނަމަ، ސުޕްރީމް ލީޑަރުގެ ހުއްދައާއެކު ވެރިކަމާ ހަވާލުވާނީ ނައިބު ރައީސެވެ. އެހެން ކަމުން، މިއަދުގެ ހެލިކޮޕްޓަރު ހާދިސާގައި ރައީސް، އިބްރާހީމް ރައިސީ އަވަހާރަވެއްޖެ ނަމަ، ވަގުތީގޮތުން ނައިބު ރައީސް، މުހައްމަދު މޮޚްބަރު ރައީސްގެ މަގާމަށް އަންނާނެ ކަމަށް ނޫސް ތަކުން ދަނީ ރިޕޯޓުކުރަމުންނެވެ.

އީރާނުގެ އިރުމަތީ އަޒަރުބައިޖާން ޕްރޮވިންސްގެ ފަރުބަދަމަތީ ސަރަހައްދެއްގައި ދަތުރުފުޅުކުރައްވަނިކޮށް އީރާނުގެ ރައީސް އިބްރާހީމް ރައިސީ ދަތުރުފުޅު ކުރައްވާ ރަސްމީ ހެލިކޮޕްޓަރު ގެއްލިފައިވަނީ މިއަދުގެ ވަގުތެއްގައެވެ. މި ހާދިސާއާ ގުޅިގެން، އަދި އިރާނުގެ ދައުލަތުން، ރަސްމީ ބަހެއް ބުނެފައި ނުވިނަމަވެސް، މީޑިއާ ތަކުން ރިޕޯޓުކުރާގޮތުގައި، އެ ހެލިކޮޕްޓަރު ހޯދުމަށް ދަނީ ގިނަ މަސައްކަތްތަކެއް ކުރަމުންނެވެ. އަލްޖަޒީރާއިން ރިޕޯޓުކޮށްފައިވާ ގޮތުގައި، މިހާރު، އެ ހެލިކޮޕްޓަރު ހޯދުމުގެ މަަސައްކަތަށް ވަނީ 40 ޓީމު ފޮނުވާފައެވެ.

ބޭރުގެ ނޫސްތަކުން ރިޕޯޓުކުރާ ގޮތުގައި، އިރާނުގެ ރައީސް އިބްރާހިމް ރައިސީ ދަތުރުކުރަމުން ދިޔަ ހެލިކޮޕްޓަރު ވަނީ ލޭންޑު ކުރުމުގެ ތެރޭގައި އެކްސިޑެންޓަކާ ދިމާވެފައެވެ. އެ ހެލިކޮޕްޓަރުގައި އިރާނުގެ ފޮރިން މިނިސްޓަރު ހުސައިން އަމީރު އަބްދުﷲ ވެސް ދަތުރުކުރައްވަމުން ގެންދެވިއެވެ.

ހައްދުފަހަނައަޅާފައިވާ އިސްރާއީލުން ޣައްޒާ އަށް އެހީވެއްދުމަށްޓަކައި އެކޮ ގޮތްގޮތުން ދަތިކުރަމުންދާތީ، ޣައްޒާގެ ރައްޔިތުންނަށް ބޭނުންވާ ސިއްހީ ސާމާނު ނުލިބޭތާ 10 ދުވަސްވެފައިވާ ކަމަށް ދުނިޔޭގެ ސިއްހަތު ޖަމިއްޔާ (ޑަބްލިއުއެޗްއޯ) އިން ބުނެފިއެވެ.

ހައްދުފަހަނައަޅާފައިވާ އިސްރާއީލުން ފަލަސްތީނުގެ ޣައްޒާ އަށް ދެމުންގެންދާ ހަމަލާތަކާއި ގުޅިގެން ފުޓުބޯޅައިގެ އެންމެހާ ޙަރަކާތްތަކުން އިޒްރޭލް ސަސްޕެންޑު ކުރުމާ މެދު، ޤާނޫނީ ލަފާ ހޯދުމަށް ފީފާއިން ނިންމައިފިއެވެ.

ކަނޑުމަގުން ފަލަސްތީނުގެ ޣައްޒާ އަށް އިންސާނީ އެހީ ފޯރުކޮށްދިނުމަށްޓަކައި އެމެރިކާއިން ޣައްޒާގައި ހެދި ވަގުތީ ބަނދަރު މެދުވެރިކޮށް ޣައްޒާ އަށް އެހީގެ ތަކެތި އެތެރެކުރަން ފަށައިފިއެވެ.

ސްލޮވާކިއާގެ ބޮޑުވަޒީރު ރޮބަޓް ފީކޯ އަށް ދިން ބަޑީގެ ހަމަލާ އާއި ގުޅިގެން ފުރާނަ ނުރައްކާވި ނަމަވެސް މިހާރު އެހާލަތުން އަރައިގެންފައިވާއިރު، ހާލުކޮޅު އަދިވެސް ސީރިއަސް ކަމަށް އެބޭފުޅާގެ ނައިބު ވިދާޅުވެއްޖެއެވެ.