ގެމްބިއާގެ ތުއްތު ކުދިންތަކެއް ނިޔާވީ އިންޑިއާގެ "ކޮފް ސިރަޕް" އެއް ބޮއިގެން: ޑަބްލިއުއެޗްއޯ

ޑަބްލިޔުއެޗްއޯ ގެ އޮފީސް

ގެމްބިއާގެ ތުއްތު ކުދިންތަކެއް ކިޑްނީ މައްސަލަ ތަކެއް ކުރިމަތި ވުމަށްފަހު ނިޔާވީ އިންޑިޔާގެ ކުންފުންޏަކުން އުފައްދާފައިވާ ކަފް ސިރަޕް އެއް ނުވަތަ ރޯގާ އަށާއި ކެއްސާތީ ދޭ ބޭހެއް ބޮއިގެން ކަމަށް ބެލެވޭ ކަމަަށް ދުނިޔޭގެ ސިއްހަތު ޖަމިއްޔާ، ޑަބްލިއުއެޗްއޯ އިން ބުނެފިއެވެ. 

ޑަބްލިއުއެޗްއޯގެ ޑިރެކްޓަރު ޖެނެރަލް ޓެޑްރޯސް އެދަނޮމް ވިދާޅުވީ، އެ އިދާރާއިން އެގޮތަށް ނިންމާފައިވަނީ، ދެކުނު އެފްރިކާގެ ކުޑަ އަވަށެއް ކަމަށްވާ ގެމްބިއާގައި 66 ތުއްތު ކުދިންތަކެއް ކިޑްނީ މައްސަލަ ތަކެއް ކުރިމަތި ވުމަށްފަހު ނިޔާވި މައްސަލައިގައި، އެކަމަށް ޝައްކުކުރެވޭ އެތައް ސިރަޕް އެއް ޓެސްޓް ކުރުމަށް ފަހުގައި ކަމަށެވެ. 

އަދި، ޔޫއެން އިން މިވަގުތު އަންނަނީ އެ ކަފް ސިރަޕް އުފެއްދި ކުންފުންޏެއް ކަމަށްވާ އިންޑިއާގެ ނިއު ދިއްލީގެ "މެއިޑެން ފާމަކިއުޓިކަލްސް" ތަހުލީލުތަކެއް ހަދަމުން ކަމަށްވެސް ޓެޑްރޯސް ވިދާޅުވިއެވެ. އަދި އިންޑިއާގެ މެއިޑެން ފާމަސީއިން އުފައްދާފައިވާ އެންމެހައި އުފެއްދުންތަކެއް އެ ތަކެތި ހުރި ތަން ތަނުން ނަގައި، އެ ފާމަސީ ގެ އުފެއްދުންތަކާއި މެދު ސަމާކު ވުމަށްވެސް ޑަބްލިޔުއެޗްއޯ އިން ވަނީ އިއްޔެ އަންގާފައެވެ. 

މެއިޑެން ފާމަސީގެ އުފެއްދުންތައް އަދި މިހާތަނަށް ފެނިފައިވާނީ ގެމްބިއާ އިން އެކަނި ކަމުގައި ވީނަމަވެސް، ނުރަސްމީ އެކި ގޮތްގޮތުން އެތަކެތި އެހެން ސަރަހައްދު ތަކަށްވެސް ފޯރާފައި ވުމީ ވެދާނެ ކަމެއް ކަމަށްވެސް ޑަބްލިއުއެޗްއޯ އިން ބުނެއެވެ. 

މި މައްސަލަ އާއި ގުޅިގެން ޑަބްލިއުއެޗްއޯ އިން ސަމާލު ނެރެފައިވާ ބޭސް ތަކަކީ:

• ޕްރޮމެތައިޒިން އޯރަލް ސޮލިއުޝަން Promethazine Oral Solution

• ކޮފެކްސްމަލިން ބޭބީ ކޮފް ސިރަޕް Kofexmalin Baby Cough Syrup
• މެކޮފް ބޭބީ ކޮފް ސިރަޕް Makoff Baby Cough Syrup
• މެގްރިޕް އެން ކޯލްޑް ސިރަޕް Magrip N Cold Syrup.

މި ކޮފް ސިރަޕް ތަކުގައި "ޑައިތިލީން ގްލައިކޯލް" އާއި "އެތިލީން ގްލައިކޯލް" އެކަށޭނެ މިންވަރަށް ވުރެ ގިނައިން ހުރި ކަމަށް ލެބޯޓަރީ ޓެސްޓް ތަކުން ކަށަވަރުވެފައިވާއިރު، އެ މިންވަރަށް މި މާއްދާތައް ހުރުމަކީ ނުރައްކާތެރި ކަމެއް ކަމަށާ، އަދި އޭގެ ސަބަބުން ކިޑްނީ މައްސަލަ ތައް ކުރިމަތިވުމަކީ ވެދާނެ ކަމެއް ކަމަށް ޑަބްލިޔުއެޗްއޯ އިން ބުނެފައިވެއެވެ.

މިއަހަރުގެ ޖުލައި މަހުގައި ގެމްބިއާގެ ފަސް އަހަރުން ދަށުގެ ތުއްތު ކުދިންތަކަކަަށް ކިޑްނީ މައްސަލަ ތަކެއް ކުރިމަތިވެ ނިޔާވުމާއި ގުޅިގެން އެ ސަރަހައްދުގެ ސިއްހަތާބެހޭ އިދާރާތަކުން ވަނީ އެކަން ސަމާލުކަމަށް ގެނެސްފައެވެ. އަދި އެގޮތުން ކިޑްނީ މައްސަލަ ދިމާވި ކުދިންތައް ނިޔާވެފައިވާއިރު، އެކުދިންނަށް އެ މައްސަލަ ތައް ކުރިމަތިވީ, އެ ސަރަހައްދުގައި ވިއްކަން ހުރި ރޯގާ ބޭހެއް ބޭނުންކުރިތާ 4 ނުވަތަ 5 ދުވަސް ފަހުންކަން އޭރުވަނީ ފާހަގަކުރެވިފައެވެ. 

Advertisement

ކޮމެންޓް