ކުޑަ އަންހެން ކުއްޖަކު ރޭޕް ކުރިކަމުގެ ތުހުމަތުގައި ހައްޔަރުކުރި މީހާގެ ބަންދަށް ކޯޓުން 30 ދުވަސް ޖަހައިފިއެވެ. މި މައްސަލައާ ގުޅިގެން، ހައްޔަރުކުރި މީހާ ފިލުމަށް އެހީތެރިވި 29 އަހަރުގެ ދިވެހި ފިރިހެނަކުވެސް ފުލުހުން ވަނީ އިއްޔެ ހައްޔަރުކޮށްފައެވެ. މި މީހާގެ ބަންދަށް ކޯޓުން ޖަހާފައިވަނީ ވަނީ 12 ދުވަހެވެ.

މިއަދު ފުލުހުން ހާމަކުރެއްވި ގޮތުގައި އުތުރުގެ ރަށެއްގައި 13 އަހަރުގެ ކުއްޖަކަށް ޖިންސީ ގޯނާ ކުރި ކަމަށް ތުހުމަތު ކުރެވޭ މައްސަލައެއް މޭ މަހު 19 ވަނަ ދުވަހު ވަނީ ރިޕޯޓުކޮށްފައެވެ. ފުލުހުން މައުލޫމާތު ދެއްވި ގޮތުގައި މި މައްސަލައާ ގުޅިގެން އަދި މީހަކު ހައްޔަރު ކޮށްފައެއް ނުވެއެވެ. ނަމަވެސް މި މައްސަލަ ދަނީ ތަޙްޤީގު ކުރަމުންނެވެ.

ދިވެއްސަކަށް ތޫނު އެއްޗަކުން ހަމަލާދިނުމާއި ގުޅިގެން ހައްޔަރު ކުރި ބިދޭސީ މީހާ 15 ދުވަހަށް ބަންދުކޮށްފިއެވެ.

ހުޅުމާލޭގައި ތޫނު އެއްޗަކުން މީހަކަށް ހަމަލާދިން ބިދޭސީއަކު ހައްޔަރުކޮށްފިއެވެ. ފުލުހުން މިއަދު ހާމަކުރެއްވި ގޮތުގައި، މި ހާދިސާ ހިނގާފައިވަނީ، ހުޅުމާޅޭ ފުރަތަމަ ފިޔަވަހީގެ ލަންސިމޫ މަގުގައެވެ. އަނިޔާވެފައިވާ މީހާއަށް ހުޅުމާލެ ހޮސްޕިޓަލުގައި ދަނީ ފަރުވާ ދެމުންނެވެ.

ކުލަ ހެދުމުގައި ތިބި ދެ ފުލުހުންނަށް ވަޅިން ވަޅިން ބިރު ދެއްކި ބަޔަކު ހައްޔަރުކޮށްފިއެވެ.

ގދ. ފަރެސްމާތޮޑާ، ފަރެސްއަވަށް، ކޮކާ، އިބްރާހީމް އާޤިލްއަށް ތޫނު އެއްޗަކުން ހަމަލާދީ މާރާމާރީ ހިންގުމުގެ ސަބަބުން އޭނާ ނިޔާވެފައިވާ މައްސަލާގައި ދައުވާ އުފުލާފައިވާ ހއ. ދިއްދޫ ސްނޯބާޑް އިބްރާހީމް ވިޝާމްގެ މައްޗަށް ކުށް ސާބިތުނުވާ ކަމަށް މިއަދު ކްރިމިނަލް ކޯޓުން ހުކުމް ކޮށްފިއެވެ.

ފާއިތުވި ހަ އަހަރުގެ ތެރޭގައި ޖިންސީ ކުށުގެ 2000 އަށް ވުރެ ގިނަ މައްސަލަ ދިވެހި ފުލުހުންގެ ހިދުމަތަށް ހުށައެޅިފައިވާކަމަށް ރައްޔިތުންގެ މަޖިލީހުގެ ހިއުމަން ރައިޓްސް އެންޑް ޖެންޑަރ ކޮމިޓީން ތައްޔާރުކުރި ރިޕޯޓެއްގައި ބުނެފިއެވެ.

ތޫނު އެއްޗަކުން ހަމަލާދީ ވ. ކެޔޮދޫ ދޭލިއާގޭ، މޫސާ އަހުމަދު މަރާލުމުގައި ބައިވެރިވި މައްސަލައިގައި ދައުލަތުން ދައުވާ އުފުލި އިބްރާހިމް ސައްމާހު އަހުމަދު ގެ މައްޗަށް ކުށް ސާބިތު ނުވާ ކަމަށް ކުރިމިނަލް ކޯޓުން ހުކުމް ކޮށް، އޭނާ ބަންދުން ދޫވެފައިވަނިކޮށް، އޭނާގެ މައްޗަށް ހައި ކޯޓުގައި ހިންގާ އިސްތިއުނާފުގެ ޝަރީއަތް ނިމެންދެން ބަންދުކުރަން ސުޕްރީމް ކޯޓުން އަމުރުކޮށްފި އެވެ.