19 ވަނަ މަޖިލީހުން ރުހުން ނުދެއްވި ތިން ވަޒީރުންނަށް، ވިހި ވަނަ މަޖިލީހުގެ ކޮމިޓީއިން ރުހުން ދެއްވައިފިއެވެ. މިރޭ މަޖިލީހުގެ ސަރުކާރު މަސްއޫލިއްޔަތު އަދާކުރާ މިންވަރު ބަލާ ކޮމިޓީން ބޭއްވި ކޮމެޓީގެ ބައްދަލުވުމުގައި ތިން ވަޒީރުންނަށް ރުހުން ދޭން ފާސްކޮށްފައިވަނީ ކޮމެޓީ އަށް ހާޒިރުވެ ތިއްބެވި ނުވަ މެންބަރުންގެ ތެރެއިން ހަތް މެންބަރުންގެ ވޯޓުންނެވެ.

މިއަދު މީޑިއާއެއްގައި ޝާއިޢުކޮށްފައިވާ ރިޕޯޓަކަށް ރައްދުދީ މަޖިލިސް އިދާރާއިން ބުނެފައިވަނީ، ސުވެނިއަރ ތަކަކީ، ސުވެނިއަރ ޝޮޕަށް ޒިޔާރާތްކުރާ ޢާންމުންގެ ތެރެއިން އެތަކެތި ބައްލަވައިގަންނަވަން ބޭނުންފުޅުވާ ބޭފުޅުން ގަތުމަށް ބަހައްޓާފައި ހުންނަ ތަކެތި ކަމަށެވެ.

ބަންޑާރަ ގޯތި ލިބޭ މީހުންގެ ދާއިމީ ލިސްޓް ގެޒެޓުގައި ޝާއިއުކުރާ ތާރީހުން ފެށިގެން ތިން މަސް ދުވަހުގެ ތެރޭގައި ފަރާތްތަކާއި ގޯތި ހަވާލުކުރަންޖެހޭ ކަމަށް ބުނެ ގާނޫނަށް އިސްލާހު ގެނައުމަށް ހުށަހެޅި ބިލު ރައްޔިތުންގެ މަޖިލީހުން ބޭރު ކުރީ އެ ބިލުގައި ވަކި ކަމަކަށް ޓާގެޓް ކޮށްފައި އޮތުމުން ކަމަށާއި، މި ކަމުގެ ސަބަބުން ގޯތި ލިބުމަށް ހުރަހެއް ނޭޅޭނެކަމަށް ޕީއެންސީ އިން ބުނެފިއެވެ.

ނިސްބަތްވާ ވަކި ރަށަކަށް އިސްކަން ދިނުމުގެ ބަދަލުގައި، ބަންޑާރަ ގޯތި ނެތް ކޮންމެ ދިވެއްސަކަށް ގޯތި ލިބެންޖެހޭ ކަމަށް މަނަދޫ ދާއިރާގެ މެންބަރު ހުސްނީ މުބާރަކު ވިދާޅުވެއްޖެއެވެ.

ސަރުކާރުން ރައްޔިތުންނަށް ދޫކުރާ ގޯތިތައް ގޯތި ދޫކުރާތާ ތިން މަސްދުވަހުގެ ތެރޭގައި ހަވާލުކުރަން ލާޒިމްވާ ގޮތަށް އިދިކޮޅު އެމްޑީޕީން، ބިމާ ބެހޭ ގާނޫނަށް ގެނައި އިސްލާހުގެ ބިލު ރައްޔިތުންގެ މަޖިލީހުން ބޭރުކޮށްލައިފި އެވެ.

ރައްޔިތުންގެ އިހްސާސްތައް ދަންނަ ކަމަށްބުނެ، ކަނޑާއި ފަޅުން ގޯތި ދީގެން ހިންގާފައިވަނީ ބޮޑު ޖަރީމާއެއް ކަމަށް ނިލަންދޫ ދާއިރާގެ މެންބަރު ފާތިމަތު ސައުދާ ވިދާޅުވެއްޖެއެވެ.

ނިމިދިޔަ، އެމްޑީޕީ މެޖޯރިޓީ އޮތް 19 ވަނަ ރައްޔިތުންގެ މަޖިލީހުން، ބިމާއި ބެހޭ ގާނޫނު ފާސްކޮށްފައި އޮތީ، އެމްޑީޕީ ސަރުކާރުގައި ރައްޔިތުންނަށް ކަނޑު ފަޅުން ގޯތި ދިން އުސޫލުން ކަމަށް ހެންވޭރު ދެކުނު ދާއުރާގެ މެންބަރު ހުސައިން އިމްރާން ލަތީފް (އިއްމު) ވިދާޅުވެއްޖެއެވެ.

ވިހިވަނަ ރައްޔިތުންގެ މަޖިލީހުގައި، ރައީސް އާއި ނާއިބު ރައީސް ނެތް ހާލަތެއްގައި ރިޔާސަތު ބަލަހައްޓަވާ ފަސް މެންބަރުން ކަނޑައަޅައި، މިއަދު ނަންތައް ތަރުތީބުކޮށްފިއެވެ.