މިއަދު އެކްސްގައި ކުރެއްވި ޓްވީޓެއްގައި ޑރ. ޝަހީމު ވިދާޅުވީ، ޔަތީމު ކުދިންނަށް ޒަކާތު ހައުސް އިން ދާއިމީ އެހީތެރިކަމެއް ދެވޭނެ ނިޒާމެއް ޤާއިމުކުރާނެ ކަމަށާއި، މި ނިޒާމުގެ ދަށުން އެކުދިން ބޮޑުވަންދެން ކޮންމެ އަހަރަކުވެސް އެހީތެރިކަން ލިބިގެންދާނެ ކަމަށެވެ.

11 ރަށެއްގައި އައިސްޕްލާންޓް އެޅުމުގެ މަސައްކަތް ފެށުމަށް ތައްޔާރުވެއްޖެއެވެ. މިނިސްޓްރީ އޮފް ފިޝަރީޒް އެންޑް އޯޝަން ރިސޯސަސް އިން މިއަދު ވިދާޅުވީ މަސް ދޯނިފަހަރަށް އައިސް ލިބުން ދަތިވާތީ، ދިމާވާ މައްސަލަތަކަށް ހައްލު ހޯދުމަށް ކުރަމުންދާ މަސައްކަތްތަކުގެ ތެރެއިން، އިތުރު 11 ރަށެއްގައި އައިސް ޕްލާންޓު ގާއިމްކުރަން ފެށުމަށް ވާންޖެހޭ ތައްޔާރީތައްވެ ނިމި ޢަމަލީ މަސައްކަތްތައް ފެށުމަށް ތައްޔާރުވެފައިވާ ކަމަށެވެ.