މިއަހަރުގެ ރިޔާސީ އިންތިޚާބުގައި ރައީސުލްޖުމްހޫރިއްޔާ އިބްރާހިމް މުޙައްމަދި ޞާލިހާއި ވާދަކުރަން އިދިކޮޅު ސިޔާސީ ޕާޓީތައް ގުޅިގެން އެއް ކެންޑިޑޭޓެއް ނެރުމަށް ކުރާ މަސައްކަތުން އެއްބަސް ވެވޭ ކެންޑިޑޭޓެއް ނުދެއްކިއްޖެ ނަމަ، އިންތިޚާބުގައި ވަކިން ވާދަކުރައްވާނެ ކަމަށް ޖުމްހޫރީ ޕާޓީގެ ލީޑަރު އަދި އެ ޕާޓީގެ ރިޔާސީ ކެންޑިޑޭޓު ޤާސިމް އިބްރާހިމް ވިދާޅުވެއްޖެ އެވެ.

ކުރިއަށް އޮތް ރިޔާސީ އިންތިހާބުގައި، މަޖިލީހުގެ ރައީސް އަދި އެމްޑީޕީގެ ރައީސް މުހައްމަދު ނަޝީދަށް ތާއިދު ކުރައްވާ މެންބަރުން އުފައްދާފައިވާ އައު ޕާޓީ، ދަ ޑިމޮކްރެޓްސް ގެ ފަރާތުން ވާދަކުރައްވާނެ ކެންޑިޑޭޓަކު ކަނޑައެޅުމަށް ބާއްވާ ޕްރައިމަރީގައި އެމަނިކުފާނު ވާދަ ނުކުރައްވާނެ ކަމަށް ވިދާޅުވެއްޖެއެވެ.

އެމަނިކުފާނު ސަރުކާރު ޖަވާބުދާރީ ކުރުވަން މަސައްކަތް ކުރައްވަނީ ސަރުކާރު ދެކެވާ ލޯބިން ކަމަށް ރައްޔިތުންގެ މަޖިލީހުގެ ރައީސް، އަދި އެމްޑީޕީގެ ކުރީގެ ރައީސް މުހައްމަދު ނަޝީދު ވިދާޅުވެއްޖެއެވެ.

ދަ ޑިމޮކްރެޓްސްގެ ސިޔާސަތު 'ފަސޭހަ ވިޔަފާރި' 36 ރަށެއްގައި ލޯންޗް ކުރުމުގެ ހަރަކާތްތައް ފަށައިފިއެވެ.

އިކޮނޮމިކް މިނިސްޓްރީގެ ސީނިއަރ އެގްޒެކެޓިވް ޑައިރެކްޓަރުގެ މަގާމްގައި ހުރި އެމްޑީޕީގެ މީސް މީޑިއާ އެކްޓިވިސްޓު އަހުމަދު އަންވަރު (ސިމްވާރު) ސަރުކާރުން އިސްތިއުފާދީ، އެމްޑީޕީގެ ކުރީގެ ރައީސް ނަޝީދު އުފައްދަވާފައިވާ ޑިމޮކްރެޓްސް ޕާޓީއާއި ގުޅިއްޖެއެވެ.

ސަރުކާރުގެ އިސްވެރިންގެ ކުންފުނިތަކަށް މަޝްރޫއުތައް ދީގެން މި ސަރުކާރަށް ކްލާސް ރޫމެއް ހަދާ ނިނެނީ ހަތަރު ފަސް ކޮޓަރީގެ ގެއެއް އަޅާ ނިންމާހާ ބޮޑު ޚަރަދުކޮށްގެން ކަމަށް ރައްޔިތުންގެ މަޖިލީހުގެ އުނގޫފާރު ދާއިރާގެ މެމްބަރު މުޙައްމަދު ވަހީދު (ވައްޑެ) ވިދާޅުވެއްޖެ އެވެ.

ކުރިޔަށް އޮތް ރިޔާސީ އިންތިޚާބުގައި އެމްޑީޕީގެ ކުރީގެ ރައީސް، އަދި ރައްޔިތުންގެ މަޖިލީހުގެ ރައީސް މުހައްމަދު ނަޝީދަކީ ޗެލެންޖެއް ނޫންކަމަށާއި އަދިވެސް ޗެލެންކަޖަށްވާނީ ޕީޕީއެމް ކަމަށް އެމްޑީޕީގެ ރިޔާސީ ކެންޑިޑޭޓް އަދި ރައީސުލްޖުމްހޫރިއްޔާ އިބްރާހީމް މުހައްމަދު ޞާލިހު ވިދާޅުވެއްޖެއެވެ.

ދަ ޑިމޮކްރެޓްސްގެ ރިޔާސީ ޓިކެޓުގައި އިންތިޚާބުގައި ވާދަކުރާނެ ކެނޑިޑޭޓް ކަނޑައެޅުމަށް ކުރިއަށް އޮތް ދެތިން ދުވަހު ޕްރައިމަރީއަށް ހުޅުވާލާނެ ކަމަށް އެ ޕާޓީގެ ޗެއާޕާސަން އަދި މުއައްސިސް ހަސަން ލަތީފް ހާމަކުރައްވާފިއެވެ.