ފަލަސްޠީންގެ ޣައްޒާއަށް އިޒްރާއިލުން ދެމުންދާ ހަމަލާތަކުގައި ޣައްޒާގެ 11 މިސްކިތެއް ހަލާކުވެފައިވާ ކަމަށް ފަލަސްޠީނުން މަޢުލޫމާތު ދެއްވި ވޮއިސްގެ މުރާސިލް ވިދާޅުވެއްޖެއެވެ.

ފަލަސްޠީނުގެ ޣައްޒާގެ އުތުރުގައި ހުރި އަމިއްލަ ގެތައް ދޫކޮށް ރައްކާތެރިކަން ހޯދުމުގެ ގޮތުން ޣައްޒާގެ ދެކުނަށް ދަތުރުކުރަމުން ދިޔަ ޣައްޒާގެ ރައްޔިތުންގެ ތެރެއަށް ދިން ހަމަލާތަކުގައި 70 މީހަކު ޝަހީދުވެފައިވާ ކަމަށް ފަލަސްޠީނުގެ ސިއްޚަތާއި ބެހޭ ވުޒާރާއިން ބުނެފިއެވެ.

ފަލަސްޠީނުގައި ހިނގަމުންދާ ހަނގުރާމައިގެ ސަބަބުން ޣައްޒާގެ ޙާލަތު ގޯހުން ގޯހަށް ދާ ކަމަށް ޣައްޒާގެ ބިމުން "ވޮއިސް" އަށް މަޢުލޫމާތު ދެއްވާ މުރާސިލުން ވިދާޅުވެއްޖެއެވެ.

ފަލަސްޠީންގެ ޣައްޒާއަށް އިޒްރާއިލްގެ ޔަހޫދީން ދެމުންއަންނަ ނުރައްކާތެރި ހަމަލާތަކުގައި ޝަހީދުވެފައިވާ ކުޑަކުދިންގެ ޢަދަދު 614 އަށް އަރައިފި ކަމަށް ފަލަސްޠީނުގެ ސިއްޚީ ވުޒާރާއިން ބުނެފިއެވެ.

ޖޯޑަންގައި ފަލަސްޠީނުގެ ރައްޔިތުންގެ ހައްޤުގައި އަޑުއުފުލި މީހުންގެ ތެރެއަށް ޖޯޑަންގެ އަމަންބަލަހައްޓާ ފުލުހުން ކަރުނަ ގޭސް ޖަހައިފިއެވެ.

ފަލަސްޠީނުގެ މުޖާހިދުންނާއި، އެގައުމަށް ގަދަކަމުން ވެރިވެ، ވަޒަންވެރިވެގެން ތިބި އިސްރާއީލްގެ ޔަހޫދީންނާ ދެމެދު މިހާރު ހިނގަމުންދާ ހަނގުރާމައިގައި، އިސްރާއީލަށް ތާއީދުކޮށް ހުޅަނގުގެ 'އިންފުލުއެންސަރުން' ފަލަސްޠީނުގެ ހާލުގައި ޖެހިފައިވާ ކުދިންގެ ފޮޓޯތައް ދައްކަމުން ދިޔުމާއި ގުޅިގެން މުޅި ދުނިޔޭގެ ކުރިމަތީގައި އެމީހުން ފަޟީޙަތް ވެއްޖެ އެވެ.

ފަލަސްޠީނުގެ މިނިވަންކަމަށްޓަކައި ހަނގުރާމަ ކުރަމުންދާ ހަނގުރާމަވެރިން ފާއިތުވި ހޮނިހިރު ދުވަހު ދިން ކުއްލި ހަމަލާތަކުގެ ރައްދެއްގެ ގޮތުގައި އިޒްރާއިލްގެ ހައްދުފަހަނައެޅި ޔަހޫދީން ޣައްޒާއަށް ދެމުންދާ ހަމަލާތަކުގައި ޝަހީދުވި މީހުންގެ ޢަދަދު 1417 އަށް އަރައިފައިވާ ކަމަށް ފަލަސްޠީނުގެ ސިއްޚީ ވުޒާރާއިން ބުނެފިއެވެ.

އިޒްރާއިލުގެ ޔަހޫދީން ޣައްޒާއަށް ދެމުންދާ ނުރައްކާތެރި ހަމަލާތަކުގެ ސަބަބުން ޝަހީދުވި ފަލަސްޠީނުގެ ހަށިތައް ގިނަވެ ޣައްޒާގެ މޯޗަރީތައް ފުރި އިތުރު ހަށިތައް ބަހައްޓާނެ ޖާގަނެތޭ ހިސާބަށް ޣައްޒާގެ ޙާލަތު ހިނގައްޖެއެވެ.