އެމެރިކާގެ ބޭސްތަކަށް ހަމަލާދޭނެ ކަމަށާ އެ ހަމަލާތަކުގެ ޒިންމާ ވެސް ނަގާނެ ކަމަށެވެ. ނަމަވެސް އެމެރިކާއާ އިޒްރޭލުން ކުރާހާ ތުހުމަތަކަށް އެ ގައުމުން އެއްބަސް ނުވާނެ ކަމަށް ރިޒާ ވިދާޅުވި އެވެ.

ދުބާއީގައި ހުންނަ އެމެރިކާގެ ކޮންސިއުލޭޓަށް އަމާޒުކޮށް އަންގާރަ ދުވަހު ޑްރޯން ހަމަލާއެއް ދީފިއެވެ.

އެމެރިކާއާއި އިޒްރޭލުން އީރާނަށް ދެމުންދާ ހަމަލާތައް ވަރުގަދަވެ، މަސްރަހު ގޯސްވަމުންދާތީ، މެދުއިރުމަތީގެ 12 އަށްވުރެ ގިނަ ގައުމުތަކުގައި ތިބި އެމެރިކާގެ ހުރިހާ ރައްޔިތުން ވަގުތުން އެ ގައުމުތަކުން ފޭބުމަށް އެމެރިކާގެ ސްޓޭޓް ޑިޕާޓްމަންޓުން އަންގައިފިއެވެ.

ސައުދީ އަރަބިއްޔާގެ ވެރިރަށް ރިޔާޟްގައި ހުންނަ އެމެރިކާގެ އެމްބަސީއަށް އަމާޒުކޮށް ދެ ޑްރޯން ހަމަލާއެއް ދީފި ކަމަށް ސައުދީ ޑިފެންސް މިނިސްޓްރީން ބުނެފިއެވެ.

އެމެރިކާއިން އީރާނަށް ދޭން ފެށި ވަރުގަދަ ހަމަލާތަކުގެ ކުރިން، އީރާނުން އެމެރިކާގެ ސިފައިންނަށް އިސްވެ ހަމަލާދޭން އުޅޭކަމުގެ އެއްވެސް ޖާސޫސީ މައުލޫމާތެއް ލިބިފައިނުވާ ކަމަށް ޓްރަމްޕް ސަރުކާރުގެ އޮފިޝަލުން އެއްބަސްވެއްޖެއެވެ.