މި ސަރުކާރުން ރައްޔިތުންގެ ހެވާ ލާބައަށް ކަންކަން ކުރާނެ ގޮތް ބަޔާންކޮށް މަގުފަހި ކުރާއިރު، އެކަންކަން ބާރު ސްޕީޑުގައި ގެންދެވޭނެ ތަނަކަށް މަޖިލިސް ބަދަލުކޮށްލުމަށް ނިންމާނީ ރައްޔިތުން ކަމަށް ރައީސުލްޖުމްހޫރިއްޔާ ޑރ.މުހައްމަދު މުއިއްޒު ވިދާޅުވެއްޖެއެވެ.

ރައްޔިތުންގެ މަޖިލީހުން ރައީސް އަޒުލު ކުރުމުގެ ގަވާއިދަށް ގެނައި އިސްލާޙަށް އަމަލު ކުރުން މަޑުޖައްސާލުމަށް ސުޕްރީމް ކޯޓުން ވަގުތީ އަމުރެއް ނެރެފައިވަނިކޮށް، މަޖިލީހުން ނިންމި ނިންމުންތައް ސައްހަތޯ ބެލުމަށް ސުޕްރީމް ކޯޓުން ނިންމައިފިއެވެ.

މަޖިލީހުން ރައީސް އަޒުލުކުރުމުގެ ގަވާއިދަށް ގެނައި އިސްލާހުގެ މައްސަލަ ރައްދުވާ ފަރާތެއް ނެތް ގޮތަށް ކުރިއަށް ގެންދަނީ މަޖިލިހުން އެގޮތަށް އެދިގެންކަމަށް އެޓާނީ ޖެނެރަލް އަހްމަދު އުޝާމް ވިދާޅުވެއްޖެއެވެ.

ކުރިއަށް އޮތް ރައްޔިތުންގެ މަޖިލީހުގެ އިންތިހާބު ރީދަ މަސް ނިމޭތާ 10 ދުވަސް ފަހުން ބޭއްވުމަށް އިންތިހާބުތަކާބެހޭ އާންމު ޤާނޫނަށް ގެނެސްފައިވާ އިސްލާހު ތަސްދީގުކުރުން ލަސްވާތީ މަޖިލީހަށް ކުއްލި މައްސަލައެއް ހުށަހަޅައިފިއެވެ.

ކޯރަމް ހަމަ ނުވެގެން މަޖިލީހުގެ މިއަދުގެ ޖަލްސާ މެދުކަނޑާލައިފިއެވެ.

އިލެކްސަން ކޮމިޝަންގެ ނައިބުރައީސްކަން ކުރައްވަމުންގެންދަވާ އިސްމާއިލް ހަބީބުގެ ދައުރު އަންނަ މަހުގެ 13 ވަނަ ދުވަހަށް ހަމަވާތީވެ، އޭނާގެ ބަދަލުގައި އެކޮމިޝަންގެ ސެކްރެޓަރީ ޖެނެރަލް ،އެސްޖީ ހަސަން ޒަކަރިއްޔާގެ ނަން ރައްޔިތުންގެ މަޖިލީހަށް ފޮނުވައިވައިފި އެވެ.

ވަކިވަކި މެންބަރުންގެ ނުފޫޒުން މިފްކޯ ސަލާމަތް ކޮށް އެތަން ރީ-ސްޓްރަކްޗަރ ކޮށް ރިފޯމް ކުރުމުގެ މަސައްކަތް ކުރައްވަމުންދާ ކަމަށް މަސްވެރިކަމާއި ކަނޑުގެ ވަސީލަތްތަކާއިބެހޭ ވުޒާރާގެ ވަޒީރު އަހުމަދު ޝިޔާމް ވިދާޅުވެއްޖެއެވެ.

ރައީސުލް ޖުމްހޫރިއްޔާ ޑޮކްޓަރ މުޙައްމަދު މުއީޒު ވެރިކަމުން އަޒުލުކުރުމަށްޓަކައި ރައްޔިތުންގެ މަޖިލީހުގެ މެންބަރުން ގުނާ އަދަދު ބަދަލުކުރަން މަޖިލީހުގެ މެޖޯރިޓީ އޮތް އިދިކޮޅު ޕާޓީ، އެމްޑީޕީން ރައްޔިތުންގެ މަޖިލީހަށް ހުށަހަޅައިގެން ފާސްކުރަން އުޅުނު ހުށަހެޅުމުގައި ދުސްތޫރީ މައްސަލަތަކެއް ފާހަގަކޮށް އެކަން ހުއްޓުވައިދޭން ބަންޑާރަ ނާއިބް ސުޕްރީމްކޯޓަށް ހުށަހެޅި މައްސަލާގައި ކޯޓުން ވަކިގޮތަކަށް އަމުރު ނެރެފައިވަނިކޮށް އަމުރަށް ތަބާނުވާނެކަން ރައްޔިތުންގެ މަޖިލީހުގެ ރައީސް މުހައްމަދު އަސްލަމް މަޖިލީހުގައި އިއުލާންކޮށް އަދި ސުޕްރީމް ކޯޓުގެ އަމުރާއި ޚިލާފަށް މަޖިލީހުން ނިންމުމެއް ނިންމުމުން އެއީ މިއަދު ބަހުސްކުރަންޖެހޭ ކަމަކަށް ވެގެންގޮސްފިއެވެ.