ކުރިޔަށްދާ ރައްޔިތުންގެ މަޖިލީހުގެ ދެވަނަ ޖަލްސާގައި ވާހަކަފުޅު ދައްކަވަމުން ޖުމްހޫރީ ޕާރޓީގެ ލީޑަރު އަދި މާމިނގިލީ ދާއިރާގެ މެމްބަރު، ޤާސިމް އިބްރާހިމް ވިދާޅުވީ ދިވެހިންގެ ސަރަހައްދުގައި އޮތް ދޯނިފަހަރަށް އެހެން ޤައުމެއްގެ ސިފައިން އަރާތިބުމަކީ، އަދި މިކަހަލަ ބާވަތުގެ ކަންތައްތައް ދިމާވުމަކީ ވަރަށްވެސް ދެރަ އަދި ނިކަމެތި ކަމެއްކަމުގައެވެ.

މާލެ ސިޓީގެ ލޭންޑް ޔޫސް ޕްލޭން ސަރުކާރުން ފާސްކޮށްދީފައިވާ ކަމަށް ރައީސް ޑރ.މުއިއްޒު ވިދާޅުވެއްޖެއެވެ.

ދިވެހިރާއްޖޭގެ އިގްތިސާދީ ކަނޑުގެ ސަރަހައްދުގައި ވަނިކޮށް، ދިވެހި މަސްދޯނި ތަކަކަށް ބޭރުގެ ސިފައިން ހަތިޔާރާއެކު އެރި މައްސަލަ ބެލުމަށް ގޮވާލާފައި ކުއްލި މައްސަލައެއް މިއަދުގެ މަޖިލީހަށް ހުށަހަޅައިފިއެވެ.

ސިޔާސީ ގޮތުން މީހުން ހައްޔަރުކޮށް އަދަބު ދިނުމަކީ ކުރައްވާނެ ކަމެއް ނޫން ކަމަށް ރައީސް ޑރ. މުހައްމަދު މުއިއްޒު މިއަދު ވިދާޅުވެއްޖެއެވެ.

ރައްޔިތުންގެ މަޖިލިސް 2024 ވަނަ އަހަރަށް ހުޅުވައި، ރައީސް ޑރ. މުހައްމަދު މުއިއްޒުގެ ފުރަތަމަ ރިޔާސީ ބަޔާން އިއްވަވަން މިއަދު ބޭއްވި ޖަލްސާ ހާޒިރުނުވުމަށް އެމްޑީޕީގެ ޕާލަމެންޓްރީ ގްރޫޕުން ނިންމާފައި ވަނިކޮށް، އެ ނިންމުމާ ޚިލާފުވެވަޑައިގެން އެ ޕާރޓީގެ ދެ މެމްބަރަކު ޖަލްސާގައި ބައިވެރިވެވަޑައިގެންފި އެވެ.

ވާނުވާގައި ބޭތިއްބުން ނިމުމަކަށް ގެނައުމުގެ މަސައްކަތް މިމަހު ފަށައި ރައްޔިތުންގެ މަޖިލީހުގެ ކުރިއަށް އޮތް ދައުރުގައި ގާނޫނަށް އިސްލާހު ހުށަހަޅުއްވާނެ ކަމަށް ރައީސުލްޖުމުހޫރިއްޔާ ޑރ. މުހައްމަދު މުއިއްޒު މިއަދު ވިދާޅުވެއްޖެއެވެ.

އިންތިޚާބުތަކާ ދިމާ ކޮށް ރަށްރަށުގައި ގިނަ މަޝްރޫޢުތަކެއް ފަށައި، އެ މަސައްކަތް ހުއްޓި ގާވެފައިވާ ކަމަށާ، އެފަދަ މަޝްރޫޢުތައް ބަލައި، ރައްޔިތުން އެދޭގޮތަށް އެ މަޝްރޫޢުތައް އަލުން ހިންގައިދޭން މިހާރު ފަށަމުންދާ ކަމަށް ރައީސުލްޖުމުހޫރިއްޔާ ޑރ މުހައްމަދު މުޢިއްޒު މިއަދު ވިދާޅުވެއްޖެއެވެ.

ސަރުކާރުގެ ޚަރަދުތައް ކުޑަކުރުމުގެ ގޮތުން އިސްތިސްނާ ޙާލަތްތައް ފިޔަވައި ސިޔާސީ އިސް މަޤާމުތަކަށް މީހުން އިތުރަށް އައްޔަން ނުކުރަން ރައީސުލްޖުމްހޫރިއްޔާ ޑރ މުހައްމަދު މުޢިއްޒު ނިންމަވައިފިއެވެ.