މާލޭ ސަރަހައްދުގައި ފްލޯޓިން ސޯލާ ނިޒާމެއް ޤާއިމުކުރުމަށް ސްޕެޝަލް އިކޮނޮމިކް ޒޯން (އެސްއީޒެޑް) ޤާނޫނުގެ ދަށުން ދޫކުރާ ފުރަތަމަ ހުއްދަ ދޫކޮށްފިއެވެ. އިއާދަކުރަނިވި ހަކަތައުފެއްދުމުގެ މަޤުސަދުގައި ހިންގާ މި ބިޔަ މަޝްރޫޢު ދަށުން މާލޭ ސަރަހައްދުގައި 150 މެގަވޮލްޓްގެ ފްލޯޓިން ފޮޓޯ ވޯލްޓިކް (ޕީވީ) އިންޖީނުގެއެއް އަޅާ ކަރަންޓު ފޯރުކޮށްދިނުމަށް ބޭނުންވާ އެހެނިހެން އުމްރާނީ ވަސީލަތްތައްވެސް ގާއިމު ކުރުމަށް ވަނީ ހަމަޖެހިފައެވެ.

މިދިޔަ މަހު ރާއްޖެއަށް 4.4 ބިލިއަން ރުފިޔާގެ މުދާ އެތެރެކޮށްފައިވާ ކަމަށް ކަސްޓަމްސްގެ ތަފާސްހިސާބު ދައްކައިފިއެވެ. ކަސްޓަމްސްގެ ތަފާސްހިސާބު ދައްކާގޮތުގައި މިދިޔަ މާޗު މަހު ރާއްޖެއަށް 4.4 ބިލިއަން ރުފިޔާގެ މުދާ އެތެރެކޮށްފައިވާއިރު މިދިޔަ އަހަރުގެ މާޗުމަހާ އަޅާބަލާއިރު މިއީ 4 އިންސައްތަ އިތުރު ޢަދަދެކެވެ.

މިދިޔަ މާރޗު މަހު ބޭސްފަރުވާގެ އެހީގެ ގޮތުގައި ޒަކާތު ފަންޑުން 8 ލައްލައަށް ވުރެ ގިނަ ރުފިޔާ ޚަރަދުކޮށްފައިވާ ކަމަށް ތަފާސްހިސާބުތަކުން ދައްކައިފިއެވެ. މިއަދު ޢަންމުކޮށްފައިވާ ދިވެހިރާއްޖޭގެ ޒަކާތު ހައުސްގެ މާރިޗު މަހުގެ ތަފާސް ހިސާބު ރިޕޯޓުން ދައްކާ ގޮތުގައި ބޭރުފަރުވާގެ އެހީގެ ގޮތުގައި ޒަކާތު ފަންޑުން ވަނީ 59 މީހަކަށް ޖުމުލަ 878،682.88 ޚަރަދުކޮށްފައިވެއެވެ. މިއީ އެހީގެ ގޮތުގައި ހަމަޖެހިފައިވާ ޢަދަދަށް ވުރެ 28 އިންސައްތަ އިތުރު ޢަދަދެކެވެ.

ލޮނުޒިޔާރަތްކޮޅުގައި ހަދާފައިވާ ނިއުޕޯޓު ހިންގި ތަން ސަރުކާރުން އަތުލާފައިވަނީ ރަނގަޅަކަމަށް ސުޕްރީމް ކޯޓުން ހުކުމް ކޮށްފިއެވެ.

ޣައްޒާއިން ފެނުނު ކަށްވަޅުތައް ތަޙުޤީގު ކުރަން އދ. އިން ގޮވާލައިފިއެވެ. އަދ. ގެ އިންސާނީ ޙައްޤުތަކާ ބެހޭ އޮފީހުން އިއްޔެ ގޮވާލާފައިވަނީ، ޣައްޒާއިން ފެނުނު އެތައް ބަޔަކު ވަޅުލާފައި ހުރި ބޮޑެތި ވަޅުގަނޑުތަކާބެހޭ ގޮތުން މިނިވަން ތަޙްޤީގެއް ކުރުމަށެވެ. މިދިޔަ ދެ ހަފްތާ ތެރޭގައި ޣައްޒާގެ ބޮޑު ދެ ހޮސްޕިޓަލެއް ކައިރިން ކަށްވަޅުތަކެއް ފެނިފައިވާއިރު އެ ވަޅުގަނޑުތަކުން ފެނުނު ގިނަ މީހުންނަކީ ކޮންބައެއް ކަމެއް އަދިވެސް ނުހޯދެއެވެ.

ޒަމާނީ ވަސީލަތްތަކާއި އެކު ހުޅުމާލޭގައި ފެންވަރު ރަނގަޅު ވެއާހައުސިންގ ކޮމްޕްލެކްސް އެއް އިމާރާތްކުރުމަށް އެއްބަސްވުމެއްގައި ސޮއިކޮށްފިއެވެ.

ރ. އަލިފުއްޓާއި، އައްޑޫ ސިޓީގެ އިތުރުން ހުޅުމާލެ ފޭސް 2ގައި އަލަށް އިމާރާތްކުރާ ތިން މިސްކިތުގެ ޑިޒައިން އިސްލާމީ ކަންތައްތަކާއި ބެހޭ ވަޒީރު ޑރ.މުހައްމަދު ޝަހީމް އަލީ ސައީދު ދައްކަވާލައްވައިފިއެވެ.

ރައްޔިތުންގެ މަޖިލީހުގައި މީގެ ކުރިން މެމްބަރުންކަން އަދާކުރެއްވި ފަރާތްތަކަށް ދައުލަތުން ދޭ އެލަވަންސް އުވާލުމަށް ގޮވާލާ އަޑު ގަދަވެއްޖެއެވެ.