ސިޔާސީ މަގާމްތައް ވަކި މިންވަރަކަށް ހިފެހެއްޓުމަށް ގާނޫނު އަސާސީ އާއި ގާނޫނުތައް އިސްލާހު ކުރުމަށް ޑިމޮކްރެޓްސް އާއި އިދިކޮޅު މައި ޕާޓީ، އެމްޑީޕީން އެއްބަސްވެއްޖެއެވެ.

މޯލްޑިވިއަން ޑިމޮކްރެޓިކް ޕާޓީ (އެމްޑީޕީ) އާއި ދަ ޑިމޮކްރެޓްސް ގުޅިގެން މަޖިލިސްގެ ގޮނޑިތައް ހޯދުމުގެ އެއްވެސް ވިސްނުމެއް ނެތް ކަމަށް އެމްޑީޕީގެ ޗެއާޕާސަން ފައްޔާޒް އިސްމާއީލް ވިދާޅުވެއްޖެއެވެ.

ރައީސުލްޖުމްހޫރިއްޔާ ޑރ.މުހައްމަދު މުއިއްޒު ރާއްޖޭގެ ސަރުކާރާއި ހަވާލުވިއިރު 7 ބިލިއަން ރުފިޔާގެ ބިލު ނުދައްކާ ހުރި ކަަމަށް އިގުތިސާދީ ކަންކަމާ ބެހޭ ވަޒީރު މުހައްމަދު ސައީދު ވިދާޅުވެއްޖެއެވެ.

ކުރީގެ ރައީސް އަބްދުﷲ ޔާމީންގެ ވެރިކަމުގައި އިސްލާމިކް މިނިސްޓަރ ކަން ކުރެއްވި ޑރ.އަހުމަދު ޒިޔާދު އާއި ދެކޮޅަށް ޕްރޮސެކިއުޓާ ޖެނެރަލް (ޕީޖީ) އޮފީހުން ދައުވާ ކުރި ކޮރަޕްޝަންގެ މައްސަލައިގެ ކުށް ސާބިތުނުވާ ކަމަށް ކްރިމިނަލް ކޯޓުން ކުރި ހުކުމުގެ އިސްތިއުނާފް ޕީޖީ އޮފީހުން އަނބުރާ ގެންގޮސްފި އެވެ.

ނެޝަނަލް ސޯޝަލް ޕްރޮޓެކްޝަން އެޖެންސީ، އެންސްޕާގެ 2022 ވަނަ އަހަރުގެ އޮޑިޓް ރިޕޯޓުގައިވާ ގޮތުން އެ އެޖެންސީން އެހީދޭން ނުޖެހޭ ފަރާތްތަކަކަށް 18 މިލިއަން ރުފިޔާ ވަނީ އިތުރަށް ދޫކޮށްފައެވެ.

މިހާރުގެ އިދިކޮޅު މައި ޕާޓީ، މޯލްޑިވިއަން ޑިމޮކްރެޓިކް ޕާޓީ، (އެމްޑީޕީ)އާ، އެޕާޓީގެ ސިޔާސަތުތައް ރަނގަޅު ނޫން ކަމަށް ބުނެ، ޕާޓީން ވަކިވެ، ވަކި ޕާޓީއެއް އުފެއްދި، ޑިމޮކްރެޓްސް، މަޖިލީހުގެ ތެރެއިން އެކުގައި މަސައްކަތް ކުރަން އެއްބަސްވެއްޖެއެވެ.

ރާއްޖޭގެ އަތޮޅުތަކާއި، ރަށްތަކުގައި ޤާއިމުވެފައިވާ ކައުންސިލްތަކުންކުރާ މަސައްކަތްތަކުގައި ރައްޔިތުންގެ ބައިވެރިވުމާއި ހިއްސާ އިތުރުކުރުމަށް މަސައްކަތް ކޮށްދެއްވުމަށް ސިޓީތަކާއި އިދާރީ ދާއިރާތައް ހިންގުމާއި އާންމު މަސައްކަތްތަކާބެހޭ ވަޒީރު އާދަމް ޝަރީފް އުމަރު އެދިވަޑައިގެންފިއެވެ.

މާރިޗު މަހު އޮންނަ ރައްޔިތުންގެ މަޖިލިހުގެ އިންތިޚާބުގައި ޕްރޮގްރެސިވް ކޮންގުރެންސް ކޯލިޝަންގެ ޕްރައިމަރީގައި މާފަންނު މެދު ދާޢިރާއަށް ވާދަކުރުމަށް ނިންމާފައިވާ މ.ކީކިމިނި އިބްރާޙިމް ރައްޒާން ރަޝީދުގެ ނަން އަބުރާ ގެންގޮސް އެދާޢިރާއަށް ވާދަކުރައްވާ މ.ކުރުވަނި، ޑރ. ފާޠިމަތު ރަޝްނީއަށް ތާއީދުކުރުމަށް ނިންމާ އެކަން އިޢުލާނުކޮށްފިއެވެ.