އީރާނުގެ މިސައިލް ހަމަލާއެއް އިސްރާއީލުގެ ނިއުކްލިއާ ފެސިލިޓީ ހުންނަ ދިމޯނާއަށް

މި ނިންމުމަކީ މި މަހުގެ 12 ވަނަ ދުވަހު ރަޝިއާގެ ތެލަށް ދިން ފަދަ ވަގުތީ ލުޔެކެވެ. ޓްރެޝަރީ ސެކްރެޓަރީ ސްކޮޓް ބެސެންޓް ވިދާޅުވި ގޮތުގައި، މި ފިޔަވަޅުގެ ސަބަބުން ކަނޑުމަތީގައި ތާށިވެފައި ހުރި އީރާނުގެ 140 މިލިއަން ފީފާ ތެޔޮ ބާޒާރަށް ނެރެވޭނެއެވެ. މީގެ ބޭނުމަކީ މިހާރު ހިނގަމުންދާ ހަނގުރާމައިގެ ސަބަބުން ތެޔޮ ލިބުމަށް ހުރި ދަތިތަކަށް ހައްލެއް ހޯދައި، އަގުތައް ތިރިކުރުމެވެ.

ހޮރްމުޒް ކަނޑުއޮޅީގައި ހުރި އީރާނުގެ އަސްކަރީ މަރުކަޒުތަކަށް ހަމަލާދިނުމަށްޓަކައި، ފޯޅަވަހީގައި ހުންނަ އިނގިރޭސިވިލާތުގެ އަސްކަރީ މަރުކަޒުތައް ބޭނުންކުރުމުގެ ހުއްދަ އިނގިރޭސި ސަރުކާރުން އެމެރިކާއަށް ދީފިއެވެ.

އިންޑިއާ ކަނޑުގައި އޮންނަ އެމެރިކާ އާއި އިނގިރޭސިވިލާތުގެ ގުޅިފައިވާ އަސްކަރީ މަރުކަޒެއް ކަމަށްވާ ޑިއޭގޯ ގާސިއާ އަށް އަމާޒުކޮށް އީރާނުން ދެ ބެލިސްޓިކް މިސައިލް އިއްޔެ ފޮނުވާލައިފިއެވެ.

ލަންކާ ސަރުކާރުން ބުނިގޮތުގައި، ޖިބޫޓީގައި އޮތް އެމެރިކާގެ ބޯޓުތަކަކަށް ލަންކާއަށް ޖެއްސުމުގެ ހުއްދައަށް އެދުނީ މި މަހުގެ 4 އަދި 8 ވަނަ ދުވަހުއެވެ. ނަމަވެސް، ޤައުމުގެ ސިޔާސަތުތަކަށް ބަލައި ލަންކާއިން ވަނީ އެ ދެ ފަހަރުވެސް އެމެރިކާގެ އެދުމަށް ނޫނެކޭ ބުނެފައެވެ.